भांगरभूंय | प्रतिनिधी
पणजीः स्मार्ट सिटीच्या कामाक लागून बंद आशिल्ले चार रस्ते येरादारी खातीर अंशतः उक्तें केल्यात. हातूंत यूसीओ बँके सावन विष्णू रेस्टॉरंट (380 मिटर), गीता बेकरी ते आयनॉक्स लागसार बांदोडकार रस्तो जंक्शन (535 मिटर), पणजी मार्केट ते बांदोडकार रस्तो (200 मिटर), टॉम वाईन शॉप ते बांदोडकार रस्तो (200 मीटर) हांचो आस्पाव जाता. वयल्या रस्त्यांचें सजावटीचें काम जून म्हयन्यांत जातलें.
मेळिल्ले म्हायती प्रमाण, पणजेच्या 735 मिटर लांबायेच्या रस्त्याच्या कामाचो पयलो टप्पो 2 जानेवारी सावन सुरू जालो. तातूंत सांत इनेज जंक्शन ते काकुलो जुंवो, डॉन बॉस्को ते काकुलो जुंवो, स्वामी विवेकानंद रस्तो हांचो आस्पाव जाता. हो टप्पो 20 जानेवारीक पुराय जालो. दुसरो टप्पो 18 जानेवारी सावन सुरू जालो. हातूंत पांच मुखेल रस्त्यांचो आस्पाव आशिल्लो. हो टप्पो 7 फेब्रुवारीक येसस्वीपणान पुराय जालो.
चवथ्या टप्प्याचें काम 1 मार्च सावन सुरू जालां. हातूंत जुना पाटो पुल ते लिबर्टी शोरूम (530 मिटर) मेरेनच्या रस्त्याचेर काम करपाचो आसपाव आसतलो. हें काम 31 मार्च मेरेन पुराय जातलें. पांचव्या आनी सव्या टप्प्यांत मे ते जून ह्या काळांत बिटुमिनस काँक्रीट पेव्हिंग, रस्ते रंगोवप, लॅँडस्केपींग, झाडां लावप हांचो आस्पाव जातलो. ह्या वेळार लोकांक असुविधा जावची न्हय हाची खात्री करतले अशी म्हायती स्मार्ट सिटीच्या अधिकाऱ्यांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
