भांगरभूंय | प्रतिनिधी
भांगरभूंय । प्रतिनिधी
पणजीः स्मार्ट सिटी मिशन खाला पणजे शारांत 91 टक्के कामां पुराय जाल्यांत. फकत 27 कोटींच्या तीन प्रकल्पांचें काम चालू आसा जाल्यार एक प्रकल्प रखडला, अशी म्हायती इमेजीन पणजी स्मार्ट सिटी उदरगत महामंडळाच्या वरिश्ठ अधिकाऱ्यान दिली.
स्मार्ट सिटी येवजणे खाला पणजे शारांत 35 प्रकल्प मंजूर जाल्ले. फाटल्या 10 वर्सांच्या काळांत 35 मदले 31 प्रकल्प पुराय जाल्यात जाल्यार तातूंतल्या तीन प्रकल्पांचें काम चालू आसा आनी एक प्रकल्पाचें काम रखडला, अशें अधिकाऱ्यान सांगले.
हातूंत पणजे पाट्यार पेडेस्ट्रीयन स्पायन करमणुकीचो प्रकल्प आनी पाटो वाठारांची उदरगत, आल्तिन उदकाची टांकी उबारप तशेंच पायपां कनेक्शन दिवपाचो प्रकल्प आनी रायबंदर कम्युनिटी मार्केट प्रकल्पाचो आस्पाव आसा.
जाल्यार पणजे शारांत वेगवेगळ्या सुवातींनी बस स्टँण्ड डिजायन करून ते नव्यान बांदपाचें तशेंच दुरूस्ती करपाचे प्रकल्पाचें काम रखडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
