भांगरभूंय | प्रतिनिधी
नवी दिल्ली, खबरां संस्थाः भारतीय मूळची खुशबू सध्या दुबयंत रावता आनी दोन म्हयन्यां सावन ‘श्री मंदिर’ ॲपा कडेन संबंदीत आसा. ॲपा वरवीं ज्योतिशाच्या सल्ल्या प्रमाण तांणी भारतभरांतल्या देवळांनी आभासी पुजा घडोवन हाडल्यात. हो ॲप 891 रुपयांत मेळटा. हाचे वरवीं भारतांतल्या वा परदेशांतल्या भक्तांक खंयच्याय देवळांत आभासी पूजा करपाक मेळटा. तशेंच ऑनलायन दर्शन घेवपाक मेळटा. वामा ॲपाचेर 101 रुपयांत अयोध्येत दिवे दान करपाची सुविधा आसा.
भारता सयत संवसारभर रावपी 110 कोटी परस चड हिंदू लोकांक आकर्शीत करपाचो तांचो हेत आसा. वामाचे सहसंस्थापक मनु जैन हांणी सांगलें ‘अशा सुविधांची उदरगत ही स्मार्टफोनाचो नेटान वाडपी प्रसाराचो परिणाम आसा. क्रिस्तांव आनी मुसलमान धर्मीय स्टार्टअप आंकडेवारींत खूब फुडें आसात.
क्रिस्तांवांक धर्मीक सेवा दिवपी ‘यू व्हर्जन बायबल’ ॲप 72.5 कोटी आनी ‘मुस्लिम प्रो’ 100 कोटी लोकांनी डावनलोड केलां. हिंदू स्टार्टअपांत देव-देवतांच्या पुजेचो पर्याय उपलब्ध करुन दिवपाची सुविधा आसा. पोलस्टर गॅलप हांच्या 2023 वर्साच्या सर्वेक्षणा प्रमाण 80% भारतीय लोक धर्माक जिणेचो एक म्हत्वाचो भाग मानतात.
डेटा पुरवणदार ट्रॅक्सन कंपनीच्या म्हणण्या प्रमाण, देशांत हजारां वयर श्रद्धेचेर आदारिल्ले भारतीय स्टार्टअप आसात. फोनाचेर पूजा, भक्ती संगीताच्या सुराचेर ऑन-स्क्रीन फुलांचे अर्पण आनी वैयक्तीक कुंडली जुळोवणी सारिल्ली सेवा दितात. तशेंच धर्मीक सेवेंतय प्रवेश करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
