भांगरभूंय | प्रतिनिधी
श्रीहरीकोटा, खबरां संस्था: अंतरिक्षांतल्या दोन उपग्रहांक जोडपाच्या तंत्रज्ञानाचेर प्रभुत्व मेळोवपाचे दिकेन भारतीय अंतरिक्ष संशोधन संघटनेन व्हड पावल उबारलां. ह्या ‘स्पेस डॉकिंग एक्सपेरिमेंट’ (स्पाडेक्स) खातीर सोमारा अंतरिक्ष प्रक्षेपण तळांतल्यान दोन उपग्रह गेले. हे उपग्रह आपापल्या कक्षेंत बसल्यात आनी फुडल्या कांय दिसांनी तांचे मदलें अंतर उणें करून तांकां एकामेकांक जोडपा खातीर तांची चांचणी जातली. फुडल्या मनशाच्या अंतरीक्ष मिशनां खातीर तशेंच उपग्रहांची देखरेख आनी दुरुस्ती करपा खातीर हें तंत्रज्ञान म्हत्वाचें आसा. हो प्रयोग येसस्वी जालो जाल्यार भारत हो तंत्र तयार करपी संवसारांतलो चवथो देश जातलो.
हे दोन उपग्रह हेर कांय उपग्रहां सयत सोमारा रातीं १० वरांचेर ‘पीएसएलव्ही सी-६०’च्या आदारान प्रक्षेपण केल्लें. ते १५ मिनटां उपरांत धर्तरेच्या पृश्ठासावन ४७५ किलोमीटर उंचायेचेर आपले नियोजीत कक्षेंत स्थलांतरीत जाले. हे विशीं म्हायती दितना मोहिमेचे संचालक एम. जयकुमार हांणी, ‘स्पाडेक्स’त वापरपी दोनूय उपग्रह एकमेकांच्या फाटीं आशिल्ले आपले नियोजीत कक्षेंत पावल्यात. येवपी कांय दिसांनी तांचे मदलें अंतर उणें जातलें. तांचे मदलें अंतर २० किलोमीटराचेर आयले उपरांत तांच्या जोडणीची प्रक्रिया सुरू करतले. एखाद्या सप्तकात ही प्रक्रिया पार पडपाची अपेक्षा आशिल्ल्यान साधारणपणान ७ जानेवारीची तारीख गृहीत धरल्या.
‘इस्रो’न दिल्ले म्हायती प्रमाण स्पेसक्राफ्ट ए (एसडीएक्स०१) वा ‘चेसर’ आनी स्पेसक्राफ्ट बी (एसडीएक्स०२) वा ‘टार्गेट’ ह्या उपग्रहांचेर हो प्रयोग करतले. जमनी पसून ४७० किलोमीटरचे उंचायेवेल्यान प्रवास करतना हे दोनूय उपग्रह एकमेकांक जोडटले. फुडाराक चंद्रयान मोहीम, हिमा, हांगचे नमुने धर्तरेचेर हाडप, आंतरराष्ट्रीय अंतराळ स्थानकाची उबारप, मानवी अंतराळ मोहिमा हे खातीर हें तंत्रज्ञान गरजेचें मानतात.
संवसारांतलो पयलो देश
हा प्रयोग येसस्वी जाल्यार हें तंत्रज्ञान विकसीत करपी भारत हो संवसारांतलो चोवथो देश आसतलो. आतां मेरेन फकत अमेरिका, रशिया आनी चीनच्या अंतराळ संशोधन संस्थांकडेच हें तंत्र आसा. सामकें म्हत्वाच्या अंतराळ मोहिमां खातीर ह्या तंत्रज्ञानाची फुडाराक ‘इस्रो’क मजत जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
