भांगरभूंय | प्रतिनिधी
भांगरभूंय । प्रतिनिधी
दिवचलः जर्मनींल बर्लिन हांगा जाल्ले स्पेशल ऑलिम्पिकांत रोलींग स्केटिंग ह्या खेळां प्रकारांत रुप्याचे आनी कांस्या पदक मेळोवपी तानिया उसगांवकार हिच्या तिच्या शाळे वतीन भोवमान केलो.
केशव सेवा साधना विशेश भुरग्यांच्या शाळेंत तानिया शिकता. दिवचल मतदारसंघाचो आमदार डॉ चंद्रकांत शेट्ये आनी मये मतदारसंघाचो आमदार प्रेमेंद्र शेट हांचे हस्तुकीं तानियाचो भोवमान केलो. तानियान मेळयल्लें येस हेर विद्यार्थ्यांक उर्बां दिवपी आसा. आंतरराष्ट्रीय पांवड्यार पदकां मेळोवन ताणे दिवचल, गोंय आनी देशाचें नांव सगळे कडेन पावयलां अशें डॉ शेट्येन सांगलें.
दिव्यांक भुरग्यांच्या समाजान आपल्या काळजांत वेगळी सुवात दिवपाक जाय. सरकार असल्या भुरग्यांक मजत करपा खातीर केन्ना फाटीं आसना अशें प्रेमेंद्र शेट हाणे सांगलें. कार्यावळी वेळार शाळा वेवस्थापन समितीचे अध्यक्ष सागर शेट्ये, वेवस्थापक मकरंद कामत, नाना बेहरे, मुख्याध्यापिका संजना प्रभुदेसाय, विशेश ऑलिम्पीकाचे राष्ट्रीय अधिकारी व्हिक्टर वाझ हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
