भांगरभूंय | प्रतिनिधी
दुलीप करंड क्रिकेट सर्तींत दक्षीण विभागाचे प्रतिनिधित्व करपा खातीर गोंयच्या स्नेहल कवठणकाराची निवड जाली. काल पुडुचेरींत दक्षीण विभागाचो पंगड वेंचपा खातीर बसका जाली. हातूंत गोंय क्रिकेट संघटणेचे प्रतिनिधित्व धीरज नार्वेकारान केलें. गोंयचो अश्टतासांचो खेळगडो मोहित रेडकार हाका राखीव खेळगड्यां मदीं सुवात दिल्या.
कालचे बसकेंत जीसीएचें प्रतिनिधित्व रणजी निवड समितीचे अध्यक्ष धीरज नार्वेंकार हांणी केलें. दक्षीण विभागाचें मुखेलपद हैदराबादाचो आनी आयपीएलांत मुंयय इंडियन्सा वतीन खेळपी तिलक वर्मा करतलो.
स्नेहलान प्लेट गटांत गोंया खातीर 7 डावांनी 949 धांवड्यो केल्ल्यो. हातूंत तीन शेंकड्यांचो आनी दोन अर्द शेंकड्यांचो आस्पाव आशिल्लो. मोहित रेडकारान 6 मॅचींतल्यान 23 विकेटी घेतिल्ल्यो.
दक्षीण विभाग पंगडः तिलक वर्मा (मुखेली), मोहम्मद अझरुद्दीन (उप मुखेली), तन्मय अगरवाल, देवदत्त पडीक्कल, मोहित काळे, सलमान निझार, एन जगदीशन, त्रिपुर्णा विजय, आर साई किशोर, तन्मय त्यागराजन, व्ही वैशाख, एम डी निधीश, रिकी भुई, बासिल एन पी, गुरजपनीत सिंग आनी स्नेहल कवठणकार. (राखीव)ः मोहित रेडकार, आर स्मरण, अंकित शर्मा, ईधेन अॅप्पल टॉम, आंद्रे सिद्धार्थ, एस के रशीद, एल बालाजी (प्रशिक्षक).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
