भांगरभूंय | प्रतिनिधी
सांखळेच्या पुलाची आयतारा जाली दुसरी खेपे चांचणी
भांगरभूंय । प्रतिनिधी
पणजी : मुंबयचे स्ट्रक्टवेल डिझायन कन्सल्टन्सी कंपनीन उत्तर गोंयांतल्या 30 पुलांची चांचणी पुराय केल्या. आयतारा सांखळेच्या पुलाची दुसरे खेपे चांचणी जाली. मोबायल ब्रीज इन्स्पेक्शन युनिटाच्या आदारान ही चांचणी जाली, अशी म्हायती कंपनीचे प्रकल्प वेवस्थापक चंद्रशेखर हांणी दिली.
उत्तर गोंयांतले 650 पूल वा साकवांचें स्ट्रक्चरल ऑडीट जातलें. सांखळे पुलाच्या काय थारावीक वाठारांतले काँक्रीट कोर चांचणी खातीर काडला. पुलाच्या काँक्रिटाचो अदमास हे चाचणे उपरांत येतलो. उत्तर गोंयांतले 10 टक्के पूल पुर्तुगेझ तेंपा वयले म्हणल्यार 60 वर्सां परस पोरणें आसात. पुलाचे फोटे, आराखडे, काँक्रीट हांची मोलावणी केले उपरांतूच पूल वा सांकवाची पिराय कळटली, अशी म्हायती चंद्रशेखर हांणी दिली. सध्या उत्तर गोंयांतल्याच पुलांच्या स्ट्रक्चरल ऑडिटाचें काम सुरू आसा. खासगी कंपनी वरवीं पोरणे पूल आनी साकवांचें स्ट्रक्चरल ऑडीट पयलेच खेपे जाता. आतां मेरेन उत्तर गोंयांतल्या 30 पुलांची पळोवणी जाल्या. कांय पुलांची दुसरी खेपे चांचणी जातली. आयतारा सांखळे पुलाची दुसरे खेपे चांचणी जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
