भांगरभूंय | प्रतिनिधी
बंगळुरू, खबरां संस्था : स्टेट बँक ऑफ इंडिया आनी पंजाब नॅशनल बँकेंत राज्य सरकारचे विभाग, भौशीक उपक्रम, कॉर्पोरेशन, थळाव्यो स्वराज्य संस्था, विद्यापीठां आनी हेर संस्थां वरवीं सुरू आशिल्लीं खातीं बेगोबेग बंद करचीं अशें कर्नाटक सरकारच्या वित्त विभागान म्हणलां. देशांतल्या भौशीक मळार कर्नाटकच्या सिद्धरामय्या सरकारान ह्या दोन सगळ्यांत व्हड बँकां संबंदी व्हड निर्णय घेतला. ह्या आदेशा प्रमाण सरकारी कर्मचार्यांक सगळ्यो ठेवी आनी एफडी काडून खातें बंद करप सक्तीचें आसतलें.
ह्या बँकेंतल्यान फटोवपाच्यो जायत्यो घडणुको मुखार आयले उपरांत कर्नाटक सरकारान हो निर्णय घेतला. एफडी तशेंच बचत खात्यांत व्हडा प्रमाणां फटोवपाच्यो घडणुको मुखार आयिल्ल्यान एसबीआय आनी पंजाब नॅशनल बँकेंत दवरिल्ले सगळे पयशे परत घेवपाचो प्रस्ताव राज्य सरकारान दवरला. ह्या दोनूय बँकांनी फुडाराक खंयचेच तरेची ठेवी दवरची न्हय, अशें परिपत्रक शासना वतीन वित्त विभागान सगळ्या विभागांक जारी केलां. कर्नाटक सरकाराचो हो आदेश राज्याच्या वित्त विभागाचे सचीव जाफर हांणी दिला.
मजगतीं, हालींच जाल्ल्या वाल्मिकी विकास निगम घोटाळो आनी २०११ आनी २०१३ च्या दोन विंगड विंगड प्रकरणां विशीं पीएसीच्यो शिफारसी लक्षांत घेवन सरकारान हो निर्णय घेतला. कर्नाटकाचे मुख्यमंत्री सिद्धरामय्या हांचे सुचवणे प्रमाण, वित्त विभागाचे सचीव (अर्थसंकल्प आनी संसाधने) डॉ. पी. सी. जाफर, हांणी हे बँकेंत दवरिल्ली सगळीं एफडी खातीं ९ सप्टेंबर मेरेन बंद करपाक सांगल्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
