भांगरभूंय | प्रतिनिधी
नवी दिल्ली, खबरां संस्था : स्टेट बँक ऑफ इंडियाची विशेश मुदत ठेव (FD) अमृत कलश येवजण येत्या ३१ मार्चाक सोंपता. हे येवजणे खाला ज्येश्ठ नागरिकांक फिक्स डिपाॅझिटाचेर ७.६०% आनी हेरांक ७.१०% वर्सुकी व्याज दितात. हे येवजणेंत ४०० दिसां खातीर गुंतवणूक करची पडटा. तुमकां चड व्याज जाय जाल्यार तुमी हे येवजणेंत गुंतवणूक करपाक शकतात. हे विशीं सविस्तर म्हायती:
अमृत कलश ही एक विशेश रिटेल मुजत ठेव म्हळ्यार एफडी जावन आसा. हातूंत ज्येश्ठ नागरिकांक ७.६० टक्के जाल्यार सामान्य नागरिकांक ७.१० टक्के व्याजदर मेळटा. तुमी चडांत चड २ कोटी रुपयांची एफडी करपाक शकतात. अमृत कलश येवजणे खाला, दर म्हयन्याक, दर तीन म्हयन्यांनी आनी स म्हयन्यांनी तुमकां व्याज दिता. तुमी तुमकां जाय तशें एफडी व्याजाचें पेमेंट थारावपाक शकतात.
ऑनलायन वा ऑफलायन गुंतवणूक
हे येवजणेंत गुंतवणूक करपा खातीर तुमी बँकेच्या फांट्यातूय वचपाक शकतात. तशेंच नेट बँकींग आनी SBI YONO अॅपा वरवीं गुंतवणूक करपाक शकतात. सामान्य एफडी प्रमाण अमृत कलशचेरूय रीण घेवपाची सुविधा उपलब्ध आसा.
एसबीआय कितल्या वर्सांचें एफडीचेर कितलें व्याज दिता:
| वर्स | सामान्य नागरीक | वरिश्ठ नागरीक |
| 1 | 6.80% | 7.30% |
| 2 | 7.00% | 7.50% |
| 3 | 6.50% | 7.00% |
| 4 | 6.50% | 7.00% |
‘VCare’ येवजणेंतूय गुंतवणूक करुं येता
एसबीआयाची आनीक एक विशेश मुजत ठेव येवजण ‘Vcare’ रूय आसा. हे येवजणेंत ज्येश्ठ नागरिकांक ५ वर्सां वा ताचे परस चड काळांचे ठेवींचेर ५० बेस पॉयंट्सांचें अतिरिक्त व्याज मेळटलें.
ज्येश्ठ नागरिकांक ५ वर्सां परस उण्या काळांतल्या रिटेल मुजत ठेवींचेर सामान्य लोकां परस ०.५०% चड व्याज मेळटा. ‘वीकेअर डिपॉझिट’ येवजणे खाला, ५ वर्सां वा ताचे परसूय चड काळाच्या एफडीचेर १% व्याज मेळटलो. तशेंच, मुदती पयलीं पयशे काडल्यार कसलेच आनीक व्याज मेळचें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
