भांगरभूंय | प्रतिनिधी
हिंदू राष्ट्र समन्वय समितीची मागणी
पणजीः स्टुंडट इस्लामीक संघटना राज्यांतल्या विवीध शाळांनी समुपदेशन व्याख्यानां घडोवन हाडपाची आसा. देशांत जाल्ल्या आतंकवादी हल्ल्यांचे फाटभूयेंर हे संघटनेक कसलीच परवानगी दिवची न्हय, अशी मागणी हिंदू राष्ट्र समन्वय समितीचे अध्यक्ष सत्यविजय नायक हांणी केल्या.
हे विशीं हिंदू राष्ट्र समन्वय समितीन उत्तर गोंय जिल्लोधिकार्यांची भेट घेतली. ह्या वेळार हिंदू युवा शक्तीचे प्रतिनिधी सृजन नायक, गोमंतक मंदीर महासंघाचे जयेश थळी आनी हे फुडारी हजर आशिल्ले. हे संघटने विशीं समितीन शिक्षण खात्याक एक निवेदन भेटयलां आनी मुख्यमंत्र्याक पत्र बरोवन जिल्लोधिकारी मुखार हे विशय मांडल्यात, अशें नाईक हांणी सांगलें.
आमच्या स्कुलांनी आमच्या भुरग्यां मेरेन विवीध माध्यमांतल्यान गजाली पावतात. ह्याच माध्यमांतल्यान स्टुडंट इस्लामीक संघटनेन समाजीक विशयांचेर जागृताय करपाक शाळांनी वचपाचें थारायलां. आमी हे संघटने विशीं जाणून घेवपा खातीर सोद सुरू केलो. तातूंत दिसून आयलें की जमियत इस्लामीक हिंद हांची ही तरकीबे संघटना गोंयांत स्टुडंट इस्लामीक संघटणा म्हूण काम करता, असो आरोप नायक हांणी केलो.
दिल्ली स्फोटा उपरांत देशभरांत भिरांकूळ वातावरण आसा. खुबशे दोतोर ह्या हल्ल्यांत वांटेकार आसात. तातूंत आतां अश्या प्रकराच्यो संघटना गोंयातल्या भुरग्यांक कसलें गिन्यान दितल्यो असो एक प्रस्न निर्माण जाला. गोंयांत येतात तांचो अभ्यास करचो. जर कितें मोलादीक शिकवण दितात जाल्यारूच तांकां परवानगी दिवची. अशे तरेच्या गजालींक शाळेचे सुवातेर मान्यताय दिवची न्हय, अशी मागणी नायक हांणी केली.
व्याख्यानांचें विशय
ही संघटना शिक्षणिक संस्थांनी ‘स्टुडंट चॅलेंजेस’ (विद्यार्थ्यां मुखार आशिल्लीं आव्हानां), ‘एथिकल व्हॅल्यूज’ (नैतिक मुल्यां) आनी ‘रिस्पॉन्सिबल सिटिझनशिप’ (जबाबदार नागरिक जावप) ह्या विषयांचेर सत्रां घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
