भांगरभूंय | प्रतिनिधी
हालींच संयुक्त राष्ट्र संघ म्हळ्यार युनोन एक अहवाल उजवाडाक हाडला. जायत्या दिसाळ्यांनी ताचेर बरें वायट बरयलां लेगीत. आमी आता संवसारान चीन देशाक फाटीं घालून लोकसंखेच्या मळार पयले जाल्यात. आमची लोकसंख्या आसा 142.86 कोटी चीनची आसा 142.57 कोट हांचो अर्थ संवसारांतली 25% लोकसंख्या भारत आनी चिनान वाटून घेतल्या. हाचो लाव आसा तशेंच लुकसाणूय आसा. आमी लावाचोच विचार करूया. जितली तोंडां चड तसो खाणां- जेवणाचो, भलायकेचो प्रस्न चड आसता, पूण त्याच वेळार काम करपी हात चड आसतात, हें आमी विसरूंक जायना आनी आमच्या देशान तरणाट्यांची संख्या चड आसा. जपान सारक्या देशांत जाण्टेल्यांची व्हड समस्या आसा. तरणाटो केन्ना तरी जाण्टो जातलो हें जरीं खरें आसलें तरी सद्या आमचे लोकसंख्येन तरणाट्यांची संख्या चड आसा. लश्करा भितर तरणाटेच जाय आसता, जपान चीन देशाक हीच एक व्हड समस्या आसा. म्हूण तर तरणाट्यांक दिवपाचें काम आमी सोदलें जाल्यार आमी खूब फुडें वचू शकता.
सद्या स्टार्ट अप ही एक अशी कल्पना आसा की जाका सगळ्या वाठारांत मागणी आसा. देशा वांगडा आमच्या गोंयांनूय ही येवजण पातळ्ळ्या. तुमकां खबर आसतली की तुमच्यो कल्पना घेवन तुमी इन्क्युबरेटर केंद्रान वचून चर्चा करपाक जाय. पयलो गोंयांतलें अशें केंद्र डॉ. विजय बार्जेस हांणी गोंय अभियांत्रिकी कॉलेजांत सुरु केल्लें. हें केंद्र फक्त गोय अभियांत्रिकी विद्यार्थ्यां खातीर, आदल्या विद्यार्थ्यां खातीर आशिल्लें. तुमची कल्पना ह्या केंद्रान हाडप, मागीर अधिकारी ताचेर भासाभास करून ती कल्पना प्रत्यक्षांत येवं येता की ना, हांचेर विचार करतले. हातूंत जायत्यो स्टार्ट अप कल्पना प्रत्यक्षान आयल्यो. हातूंतल्यान कितल्याशाक जाणांक नोकरेची संद तशेंच आत्मविश्वास लेगीत मेळटलो.
तुमी स्टार्ट अप येवजणेंत येवचें चित्तात तर तुमचे कडे बरी कल्पना आसपाक जाय. हाचे खातीर निरीक्षण जाय नाजाल्यार तें दिवपी मजत तरी जाय. ते कल्पनेंतल्यान लोकांचो प्रश्न सुटत तर चड बरें, गोवा इंजिनिअरिंग फर्मागुडीचे आदले प्रोफसर आनी सद्या संगणकाचे अभ्यासक्रम बदलपाक जांणी महत्वाची भूमिका केल्या, ते खाशेलें सरकारी अधिकारी डॉ विजय बोर्जिस हांणी गोंयांतलें पयलें इन्क्युबेशन केंद्र फर्मागुडयेर प्रोफेसर आसतना केल्ले. त्यावेळार स्टार्ट अप इंजिनियरिंग विद्यार्थ्यांनी (आदल्या वा आतांच्या) करचें ही अट आशिल्ली. आतां हो वावर कोणूय करूं शकता.
सोंपे भाशेन सांगचें जाल्यार अशी गजाल जी लोकांक परवडूं शकता आनी ती लोकांक नवी तर आसपाकच जाय आनी परवडपाक जाय. हे खातीर तुमचें निरीक्षण चड जाय. लोकांक कितें जाय? हें तुमकां पारखूंक येवपाक जाय. हाचो अर्थ तांकां फट सांगून न्हय. ह्या माध्यमांतल्यान तुमी हेरांक नोकरेचें समाधान दिवं शकतात, राज्याच्या, देशाच्या विकासान हातभार लावपाचें व्हड काम करतात. गोंयांत अशे स्टार्ट अप आसात जे भितर जायत्या जाणांक नोकरी मेळ्ळ्या, कांय जाग्यां खातीर मनीस मेळना, अशें सांगपी आसात. हाचो अर्थ तांकां ज्यादा पगार दिवपाक उद्येजक सोदतात. गोंयां भितर उद्येगाच्या ठिकाणाचेर नेट सर्व्हिस आसा. तुमकां सुवात सोदची पडटली, खेरीज भांडवल लागीं करचें पडटलें. तुमची कल्पना व्हायेबल आसपाक जाय तर तुमकां मजत मेळूं शकता.
आदरातिथ्य म्हणल्यार सरबराय मळाचेर तर स्टार्ट अपची सर्त चल्ल्या अशें चित्र दिसता. बॅंकांची सुरक्षा म्हणा तुमच्या गाडयेची सुरक्षा म्हणा, मोबायल खंय आसा, तें सोदपा सारक्यो गजाली. सदांच तांका मागणी आसता. तुमकां आमकांच न्हय तर सरकाराक लेगीत हाची गरज लागता, तेन्ना तुमी आधुनिक तंत्रगिन्यानाचो वापर करून सोद लावं शकतात आनी स्टार्ट अप सुरु करूं शकतात. खरें तर समस्यांचेर उपाय काडप ते लेगीत परवडपा सारके, हो स्टार्ट अप येवं शकता. आमच्यो समस्या दिसान दीस वाडत आसा. देखीक खांब्याचेर लायटीचें काम जर आमी माडाचे नाल्ल काडपाक परवडा सारकीं यंत्रां काडूं शकतात तर हें यंत्र कित्याक निर्माण जावं नज? हाचेर विचार करात स्टार्ट अपाची वाट मेकळी जातली.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
