भांगरभूंय | प्रतिनिधी
भांगरभूंय । प्रतिनिधी
सांगेंः सरकाराच्या खेळ आनी युवा वेव्हार खात्यान आयोजीत केल्ल्या राज्य पांवड्या वयले स्क्वे मार्शल आर्ट सर्तीत शिरोडेच्या सखाराम गुडे हायस्कुलाच्या विद्यार्थ्यांनी येश मेळयलें.
हायस्कुलाचे विद्यार्थी रिल्वी अविकांत नायकान भांगरा पदक, सिमरन सुदेश वेळीप, संकल्प सुहास वेळीप, मोहित मनोहर गांवकार, उत्तम उदय कामत हांणी रुप्या पदकां मेळयलीं. कार्तिक विष्णू नायक, स्नेहा पी चौथरी हांणी कांस्या पदकां मेळयलीं. मनस्वी प्रकाश वेळीप, विविधा गांवकार आनी प्रज्योत तातुलो पिळगांवकारान सर्तींत वांटो घेतल्लो.
पीटी शिक्षक नितेश जांगलीन पंगडाक मार्गदर्शन केलें. हायस्कूल वेवस्थापन समितीचो अध्यक्ष चंद्रकांत हेदे, मुख्याध्यापिका संध्या प्रभुदेसाय आनी शिक्षकांनी पंगडाक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
