भांगरभूंय | प्रतिनिधी
फोंडें: मडकयच्या पिंगू पांडुरंग नार्वेंकार हाका आपूण सीआयएसएफचो कर्मचारी आनी स्कुटर विकपाक आशिल्ल्याचें सांगून ६७ हजार रुपयांक तोपी घातली. हे विशीं कागाळ दाखल जाले उपरांत म्हाड्डोळ पुलिसांनी गुन्यांव नोंद केला.
पुलिसांनी दिल्ले म्हायती प्रमाण, म्हापश्यां आपली जीए- ०३- एक्यू- ९०८३ नंबराची मोटार सायकल विकपाक आशिल्ल्याची म्हायती माता प्रसाद हाणें इंस्टाग्रामा वेल्यान दिल्ली. आपूण ते मोटार सायकलीचो धनी आशिल्ल्याचें सांगून बनावट कागदपत्रांय तरणाट्याक धाडिल्लीं. हाका लागून नार्वेकारान ती विकत घेवपाचो निर्णय घेतलो. इंस्टाग्रामा वेल्यान म्हायती दिवपी माता प्रसादान नार्वेंकार हाका ६७ हजार रुपया जी पे करपाक सांगलें. ते प्रमाण रक्कम जी पे केली. उपरांत मोटार सायकल धनयाचो संपर्क जायनाशिल्ल्यान आपूण फटयिल्ल्याचें नार्वेंकार हाच्या लक्षांत आयलें. हालींच तांणी पुलीस स्टेशनांत कागाळ दाखल केल्या.
पुलिसांनी मोटार सायकली संबंदी येरादारी खात्या कडेन चवकशी केली तेन्ना ती कोणाची हें समजलां. निरीक्षक योगेश सावंत फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
