भांगरभूंय | प्रतिनिधी
मडगांवः बड्डें- फातोड्ड्यां शुक्रारा रातीं स्कुटरीचो धपको बसून चलत वचपी उल्हास उर्फ जीवन वाडकार (55) हाका मरण आयलें. हे प्रकरणांत फातोड्ड्यां पुलिसांनी स्कुटर चलोवप्या आड गुन्यांव नोंद केला.
मेळिल्ले म्हायती प्रमाण, शुक्रारा रातीं ब्रायन बोर्जिस हो शुक्रारा रातीं व्हड वेगान गाडी चलयतालो. ते वेळार ताच्या स्कुटरीचो धपको रस्त्यावेल्यान चलत वचपी वाडकार हाका लागलो. उपरांत ताका उपचारा खातीर दक्षीण गोंय जिल्लो हॉस्पिटलांत व्हेलो, पूण उपचारा वेळार ताका मरण आयलें. ह्या प्रकरणांत स्कुटर चलोवपी ब्रायन बोर्जिस (31) हाचे आड गुन्यांव नोंद केलां. फातोड्ड्यां पुलीस निरिक्षक नाथन आल्मेदा हांच्या मार्गदर्शना खाला कॉन्स्टेबल सुनील देसाय फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
