भांगरभूंय | प्रतिनिधी
नवी दिल्ली, खबरां संस्था ः केंद्र सरकारान स्किल इंडिया डिजिटल (एसआयडी) हो नवो प्रकल्प सुरू केला. हांगा कुशळटाय उदरगत, नोकरी संदी आनी उद्देजकतेक चालना दिवपा खातीर उपाय येवजण केल्या. स्किल इंडिया डिजिटल सगळ्यांक एकठांय हाडटा. नागरिकांक तांच्या सोयी प्रमाण हो मंच वापरूं येता. स्किल इंडिया डिजिटल (एसआयडी), डिजिटल भौशीक मुळावी बांदावळ म्हणून विकसीत केल्या.
स्किल इंडिया डिजिटल म्हणल्यार कितें?
१. एसआयडी हो केंद्र सरकाराच्या स्किल इंडिया आनी डिजिटल इंडिया मिशनचो एक प्रकार आसा. ताचो विस्तार करता.
२. तशेंच कुशळटाय आनी उद्देजकते संबंदीत सगळ्या सरकारी उपक्रमां खातीर म्हायती केंद्र आसा जें करिअर उदरगत आनी आयुश्यभर शिकपाची संद दिता.
३. उद्देग 4.0 कुशळटायेचेर लक्ष केंद्रीत करून, कुशळटाय उदरगतीक अभिनव, सुलभ आनी वैयक्तीक करता.
४. तशेंच हो उद्देग संबंदीत कुशळटाय अभ्यासक्रम, रोजगार संदी दिता आनी तरणाट्यांक उद्देजक जावपाक मदत करता.
स्किल इंडिया डिजिटलाचे वेबसायट तशेंच मोबायल अॅप आसा. खंयचीय भारतीय बायल वा दादलो हांगा नांव नोंदणी करून आपल्या आवडीचो अभ्यासक्रम शिकूंक शकता. तशेंच प्रमाणपत्र मेळोवंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
