भांगरभूंय | प्रतिनिधी
रियाध, खबरां संस्था: ‘सौदीक वचात आनी दोन दिसांनी जीण घडयात’ अशें आकर्शक सपन दाखोवन हजारांनी आफ्रिकन बायलांक (खास करून केनिया आनी युगांडा) घरकामाच्या नांवां खाला सौदींत धाडटात. मात थंय पावतांच तांची जीण नरकावरीं जाता. तांचो पासपोर्ट काडून घेतात. दिसवड्याचीं कामां करून घेतात. उपाशीं दवरतात. मारपेटूय करतात. जायते फावटीं तांचो खून लेगीत करतात. घरकामा खातीर सौदीत गेल्ल्या, मात जीव वगडावपी युगांडाच्या बायलांचे तपशील लेगीत सांपडनात.
हांगां सोशल मिडिया वेल्यान केनिया हावज हॅल्प विक्रेची ऑनलायन जायरात घालतात. ताचेर ‘ऍड टू कार्ट’ ऑप्शनावरवीं विकत घेवपाचो पर्याय दितात. हांगची सगल्यांत व्हड भरती संस्था मेहारा आनी स्मास्को सरळ शाही कुटुंबा कडेन संबंदीत संस्था आसात. पिडेस्त कुटुंबा कडल्यान चवकशेची मागणी करतात. तेन्ना सरकार हाचे कडेन आडनदर करता. फुडार्यां कडेन इश्टागत आशिल्ल्यान बायलांचे सुरक्षिततायेची हमी दिवपाक शकना, अशें केनिया सरकारान सांगलें.
कफाला पद्दत: भारतीय हावज हेल्प खाती संघर्श
सौदींत भारतीय हावज हॅल्प कफाला सिस्टिमा खाला काम करतात. धनयाचे परवानगे बगर नोकरी सोडपाक शकनात वा देशूय सोडपाक मेळना. २०१६ वर्सा धतचायनी उमा शंकर नांवाचे भारतीय बायलेन शरिरीक- मानसीक शोशणाक लागून दुसरे माळयेवेल्यान उडी मारिल्ली. सरकारान हालींच्याच वर्सा वेवस्थेंत सुदारपाचे यत्न केल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
