भांगरभूंय | प्रतिनिधी
न्यूयाॅर्क, खबरां संस्था : अमेरिकेच्या वेंचणुकेच्या निकाला उपरांत कमला हॅरिस आनी ट्रम्प हांचे समर्थक सोशल मिडियाचेर एकामेकांचेर नाका जाल्ल्यो टिप्पणी आनी बेजबाबदारपणान वागतना दिसले. सोशल मिडियाचेर जायते जाण भावनेच्या भरांत अशें करतात. जेन्ना आमी आमच्या भावनांचेर नियंत्रण दवरचे परस तांचे भकीक पडटात, तेन्ना चड प्रतिक्रिया (ओव्हररिएक्ट) दिवपाक लागतात. ही परिस्थिती शारिरीक आनी मानसीक भलायकेक तशेंच आमच्या वेवसायीक वाडीक माल थारता. हाचे भायर समाजीक बांदावळीकूय हे परिस्थितीक लागून लुकसाण जाता.
भावनीक असंतुलन
भावनीक असंतुलन म्हणल्यार भावनांचेर नियंत्रण दवरूंक मेळना. कांय विशिश्ट परिस्थितींत भावनीक आवेगांचेर नियंत्रण उरना. केन्ना आमकां खूब राग येता, केन्ना अचकीत खूब दुख्ख जाता. आमी ल्हान- ल्हान गजालींचेर बोवाळ करतात, हें सगळें आमचे मानसीक आनी शारिरीक भलायकेक लुकसाण करता.
प्रतिक्रियात्मक ओव्हररिएक्शन: प्रतिक्रियात्मक ओव्हररिएक्शन ही एक भावना. म्हणजे तुमी खंयच्याय इव्हेंटाचेर चड प्रतिक्रिया दितात. सक्तीची अतिप्रतिक्रिया – सक्तीच्या अतिप्रतिक्रियां विशीं, एखाद्याचे प्रतिक्रियेचेर कसलेंच नियंत्रण नासता. इत्सा नासतनाय, तुमी विशिश्ट तरेन प्रतिक्रिया दितात वा वागपाक सुरवात करतात.
भावनीक असंतुलनाचे वायट परिणाम
भावनीक असंतुलन आमचे शरिरीक आनी मानसीक भलायकेकूच न्हय तर समाजीक संबंदांकय माल थारता. जेन्ना आमी भावनीक असंतुलनाचो त्रास सोंसतात तेन्ना ल्हान गजालींचो ताचेर परिणाम जाता. हाका लागून दरेके गजालीचेर झगडें पेट्टा आनी तिडक निर्माण जाता. नात्यांत फूट पडटा. हो ताण आमकां आनी आमच्या लागींच्या व्यक्तींक भावनीक नदरेन त्रास दिवपाक शकता. सेगीत ताण आनी चिंता मानसीक भलायकी इबाडटा. तशेंच ताका लागून न्हीद उणी जावप, तकली दुखप आनी काळजाचे त्रास जावंक शकतात.
भावनीक असंतुलनाक लागून मनशाचो आत्मविस्वास उणो जाता. आपल्या निर्णयां विशीं आनी संबंदां विशीं तो भरकटपाक शकता. आनी ताका लागून तो चड करून चुकीचे निर्णय घेता, जाचो ताच्या वैयक्तीक संबंदांचेर तशेंच समाजीक संबंदांचेर वायट परिणाम जातात. भावनीक असंतुलनाक लागून मनीस समाजा पसून वेगळो जावंक लागता. तो इश्ट आनी कुटुंबांतल्यान फाटीं सरपाक लागता. हाचो मनशाचे समाजीक जिणेचेर तशेंच मानसीक भलायकेचेर वायट परिणाम जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
