भांगरभूंय | प्रतिनिधी
भांगरभूंय । खबरां मेज
पणजीः नागझर पंचायत वाठारांतली सोऱ्याची सगली दुकानां बंद करपाचो निर्णय घेतिल्ले खातीर हिंदू जनजागृती समिती वतीन सरपंच गौरी जोसलकार तशेंच पुराय पंचायत मंडळाक परबीं भेटयल्यांत.
समितीच्या एका शिश्टमंडळान वारखंड- नागझर पंचायतीची सरपंच जोसलकार हिची भेट घेवन तिका परबीं भेटोवपी पत्र सादर केलें. लोकांनी पंचायत मंडळान घेतल्ल्या निर्णयाक पुराय तेंको दिवपाची गरज आसा. गोंयातली सगळीं पंचायत मंडळां तशेंच पालिका मंडळांनी नागझर पंचायत मंडळाची देख घेवपाक जाय अशें हिदू जनजागृतीच्या ह्या पत्रांत सांगलां.
शिश्टमंडळांत सनातन संस्थेची शुभा सावंत, रणरागिणीची राजश्री गडेकार आनी अंकुश परब हांचो आसपाव आशिल्लो. गोंयात वचत थंय सोऱ्याची दुकानां जाल्ल्यान तरणाटे सोरेकार जावपाक लागल्यात. सोऱ्या दुकानांची विखा वेल काडून उडोवपाक जाय. नागझर पंचायत मंडळान ते दिकेन घातिल्ले पावल देखदेणे आसा अशें समितीन म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
