भांगरभूंय | प्रतिनिधी
म्हापशें ः सोरो पियेवन गाडी चलोवपाच्या आरोपा खाला म्हापशें न्यायालयान रीभोई- मेघालयांतले शंभी राणा हाका १० हजार रूपया दंड दिलो. दंडात्मक रक्कम जमा केल्यार धा दीस सादी बंदखण भोगपाचे निर्देश दिल्यात.
१० ऑगस्टाक सांजेवेळार ७.२४ वरांचेर पुलिसांनी जीए ०७ एम ६७१८ नंबराचे गाडयेवेल्यान वचपी शंभू राणा हाका धरिल्लो. तो सोर्याचे धुंदींत आशिल्लो.
श्वासोच्छ्वास तपासणेंत ताणें ३०९.४ मिलीग्राम सोरो पिल्ल्याचें दिसलें. पुलिसांनी मोटार वाहन कायद्याच्या १८५ कलमा खाला गुन्यांव नोंद केला. म्हापशें पयली श्रेणी न्यायालयांत सुनावणे वेळार ताणें गुन्यांव कबूल केला. उपरांत न्यायालयान दंडाची ख्यास्त दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
