भांगरभूंय | प्रतिनिधी
भांगरभूंय । प्रतिनिधी
काणकोणः फोटो पत्रकार सोयरू कोमरपंत हांका अदूंचो गोंय सरकाराच्या समाज कल्याण खात्याचो समाजसेवा पुरस्कार फावो जाला. आयज (मंगळार) पणजे गोंय मुक्ती दिसाचे कार्यावळींत मुख्यमंत्री डॉ प्रमोद सावंत हांचे हस्तुकीं ताका तो भेटयतले.
कोमरपंत फाटल्या बारां वर्सां सावन गोंय मागासवर्गीय आयोगााचो वांगडी म्हणून काम करता. अखील गोंय क्षत्रीय कोमरपंत समाजाचो तो संस्थापक अध्यक्ष आसा. गोंयांतल्या सामाजीक, शिक्षणीक, धर्मीक, आनी सांस्कृतीक संस्थांनी ताचें काम चलता. घुंवळी वखदां आड राष्ट्रीय एकात्मते खातीर पुराय गोंयांत ताणे युवा संदेश यात्रेचें आयोजन केल्लें. कोंकण रेल्वेच्या समर्थनाक जाल्ल्या आंदोलनांत ताचो सक्रिय वांटो आशिल्लो. काणकोण पत्रकार संघान काणकोणांत सुसज्ज हॉस्पिटला खातीर सुरू केल्ल्या आंदोलना वेळार तो मरमेरेन उपास करपाक बशिल्लो. दर वर्स गोंयकार तरणाट्यांक घेवन तो हिमालयांत ट्रेकिंग करता. कन्याकुमार तें काश्मीर, नेपाल मेरेन सैमीक आनी इतिहासीक थळांक तो गोंयच्या लोकांक घेवंन वता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
