भांगरभूंय | प्रतिनिधी
पणजीः पोरणें गोंय रेल्वे क्रॉसिंगाचेर दिसपट्ट्या येरादारी कोंयडीची दखल घेवन गोंय राज्य मुळावी बांदावळ उदरगत म्हामंडळान (जीएसआयडीसी) थंयचे प्रस्न सुटावे करपा खातीर उड्डाण पुल बांदपाक सुरवात केल्या. हे फाटभुंयेर पोरणें गोंय ते गवंडाळी रस्तो (फिशरमन ट्रेनिंग सेंटर ते धेंपो फुटबॉल मैदान मेरेन) सोमारा सावन फुडले सुचोवणे मेरेन येरादारी खातीर बंद आसतलो.
हो रस्तो माशेल, दिवचल, साखळे आनी बेळगांव ह्या वाठारांनी वचपी वाहनां खातीर म्हत्वाचो आसा. हो उड्डाण पुल पुराय जातकच रेल्वे येवपाचे वेळार गाडी थारयतात तो वेळ आनी ताका लागून जावपी येरादारीची गर्दी व्हड प्रमाणांत उणी जातली. रस्तो बंद आसतना गाडयो बाणास्तारी वा खोर्ले उद्देगीक वाठारांतल्यान वळयतले.
ह्या प्रकल्पा विशीं कुंभारजुवेचे आमदार राजेश फळदेसाय हांणी म्हणलें, “हो नवो ओव्हरब्रिज वाठारांतल्या नागरिकांक आनी दिसपट्ट्या प्रवासी लोकांक व्हड थाकाय दितलो. काम चालू आसतना सगळ्यांनी सहकार्य करचे आनी कांय म्हयने पासियेंस दवरचें अशी विनवणी तांणी केली. हें काम बेगीनांत बेगीन पुराय करपाचे यत्न आमी करतले अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
