भांगरभूंय | प्रतिनिधी
राष्ट्रपती भवना भायर काल आयतारा सांजवेळा एनडीए सरकाराचो सोपूत सुवाळो जालो. मध्यप्रदेशांतल्या बेतूल मतदारसंघाचे खासदार दुर्गादास उयकी सोपूत घेतना फाटल्यान भवनांत भितर सोंपणां कडेन हो प्राणी भोंवतना दिसता. हो व्हिडियो व्हायरल जाला.
चडश्यांच्या मतान तो बिबटो. तर थोडे म्हणटात तो पोशिल्लो सुणो वा माजर आसूं येता. थोड्यांच्या मतान तो सुरक्षा रक्षकांचो श्वान. थोड्यांक हो व्हिडियो एडिटेड दिसता. राष्ट्रपती भवनांतल्यान हाचेर अजून स्पश्टीकरण येवंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
