भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतल्या सोनाळ हांगचे प्राथमीक शाळेचें हेर कडेन स्थलांतर करपाचो निर्णय शिक्षण खात्यान फाटीं घेवचो अशी मागणी शाळेत शिक्षण घेतिल्ले आदले विद्यार्थी, पालक आनी गांवांतल्या लोकांनी केल्या. पावसाच्या दिसांनी रस्ते उदका पोंदा वतान आनी दुसरे कडेन वचपाक मेळना. भुरग्यांक दुसरे शाळेंत वचपाक मेळचें ना अशें पालकांनी सांगलां.
बुधवारा सकाळी पालकांनी शाळे सामकार एकठांय येवून स्तलांतराक विरोध केलो. शाळेचें स्थलांतरण करपाक पालकांचो सामको विरोध आसा. पावसाच्या दिसांनी जायत्यो समस्या उप्रासतात. वीज पुरवण बंद पडटा. पावसाच्या दिसांनी रस्ते उदका पोंदा वचून गांवचो हेर कडलो संपर्क तुटता. अश्यो समस्या आसतना शाळा स्थलांतरणाचो शिक्षण खात्यान घेतिल्लो निर्णय सारको न्हय अशें दिगंबर नेने ह्या पालकान सांगलें.
शाळेचे आदले विद्यार्थी, सरभोंवतण्या वाड्या वयले पालक आनी लोकांचे सयांचे एक निवेदन थळावो आमदार विश्वजीत राणे हांका दितले आनी शाळा स्थलांतरणाच्या निर्णयाचो फेर विचार करचो अशी मागणी करतले अशें नेने हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
