भांगरभूंय | प्रतिनिधी
भांगरभूंय । प्रतिनिधी
पणजीः मडगांवच्या सोनसडो हांगा 98 टक्के कोयराचेर बायोरेमेडिएशन प्रक्रिया पुराय केल्या बाकीच्या 2 टक्के कोयराचेर फुडल्या सप्तकांत ही प्रक्रिया करतले अशी म्हायती राज्याचो अॅडव्होकेट जनरल देविदास पांगम हांणी मुंबय उच्च न्यायालयाच्या गोंय खंडपिठाक दिली.
सोनसडो कोयर प्रकल्पांत उजो लागून प्रदूशण जाल्ल्यान थळाव्या लोकांक लुकसाण भरपाय दिवपाची मागणी करपी जनहित याचिका सिटिझन फॉर सोनसडो आनी गोवा फांवडेशनान खंडपिठान सादर केल्या. तिचे सुनावणे वेळार पांगम हाणे ही म्हायती दिली. सोनसड्या वयल्या कोयराचेर बायोरेमेडिएशन प्रक्रिया करतात आनी ती 2024 मेरेन पुराय करपाक कंत्राटदाराक खंडपिठान मुजत दिल्या. हे प्रक्रियेंतल्यान तयार जाल्ले आरडीएफ काडपाचें काम 2024 मेरेन कंत्राटदाराक पुराय करचें पडटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
