भांगरभूंय | प्रतिनिधी
वॉशिंगटन, खबरां संस्था: सौंदर्य उत्पादनांतल्या सैमीक घटकांची मागणी वेगान वाडपाक वाडपाक लागले. सैमीक घटकांनी जाल्लें उत्पादन बरें आसता, अशी सामान्य धारणां आसता. मात हें पुराय सत नासल्यार कितें जातलें? सौंदर्य उत्पादनाच्या बाजारांत ‘नॅचरल’च्या दाव्यांचेर आतां प्रस्न हजर जातात. गुलाबाच्या परफ्युमचेंच उदाहरण घेयात. हें तयार करपा खातीर २.५ लाख पाकळ्यांची गरज आसता.
स्किनकेअरांत वापरपी इसेन्शियल ऑयल तयार करपा खातीर रोंप्यांचो ९० टक्के भाग पेड्ड्यार जाता. उरिल्लो भाग लँडफिलांत कुसता आनी कार्बन डायऑक्सायड आनी मिथेनचें उत्सर्जन करता. सैमीक उत्पादनांचें हें पिशें पर्यावरणा खातीर घातकी थारपाक लागिल्ल्याचें तज्ज्ञांक दिसता. साबण, मेकअप, हेअर कॅअर उत्पादनां खातीर गरजेच्या पाम ऑयली खातीर दर वराक ३००० फुटबॉल मैदान इतल्या रानांची कत्तल जाता. हाका लागून जैवविविधता, हवामान आनी थळाव्या समुदायांचेर वायट परिणाम जाता. संवसारभरचे हे घटक संकलित करतना व्हडा प्रमाणांत कार्बन्डाय ऑक्सायडचें उत्सर्जन जाता. हाका लागूनच बायोटेक्नॉलॉजी हो नवो आनी टिकाऊ पर्याय जावन मुखार सरला. हातूंत बायोरिक्टरांत उत्पादना खातीर गरजेचे घटक तयार करतात. हाका लागून बर्याच उण्या प्रमाणांत कोयर निर्माण जाता. ते ९९ टक्क्यां मेरेन शुद्ध आनी ऑर्गेनीक उत्पादनां परस उत्कृश्ठ आसता.
किडींची गरज जाणवा. जमीन, उदकाचो वापर उणो जाता. दर खेपो एकसारकी गुणवत्ता मेळपाक शकता. संवसारभरांतलीं अशीं सैमीक तत्वां मागोवपाचीय गरज ना. ग्रीनहावजस गॅस उत्सर्जनूय देंवता. ३ दशकांत ब्युटी इंडस्ट्रींत चड बदल जावंक ना. आयजूय एक्झिमा, कोंडा, कॉर्टिसोन सॅलिसिलिक सिड अशे आदलेच तत्व वापरतात. बायोटेक उदरगतीचेर खर्च चड आसा.
उदक-जमनीचे नासाडी बगर तत्वां तयार, प्रभाव उणो ना… बायोटेक सायंटिस्ट जोशुआ ब्रिटन हांणी, ह्या तंत्रज्ञानांत एन्झाइम आनी मायक्रोब्जाक अशे तरेन रिकोर्ड करतात, ते शुगर आनी हेर अक्षय्य स्रोतांतल्यान तत्वां करपाक मेळटलीं. हें तत्त्व खर्या सैमीक तत्त्वांचे जेनेटीक डुप्लिकेट आसतात. उदा. नारिंजिनिन नामक स्किनकेअर तत्वां द्राक्षां पसून मेळटात. १ किलो नारिंजिनिन खातीर ३,३५६ द्राक्ष, ०.३७ एकर जमीन आनी ३८,५७५ लिटर उदकाची गरज पडटा. मात, बायोटेकाक लागून हें जमनी बगर आनी उदकाचे नासाडी बगर तयार करपाक शकतात. हीं तत्त्वां इतलीं परिणामी आसतात, हाची उणी मात्राय पुरो जाता. उदा. व्हिटॅमिन सी सारकिल्ल्या सैमीक तत्त्वांची गरज १५-२०% मेरेन आसता. दुसरे कडेन, बायोटेक तत्त्वां ०.५% परस उणो परिणाम दाखयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
