भांगरभूंय | प्रतिनिधी
व्यायाम हो दर एकल्याक गरजेचो. फक्त आंगान बारीक जावपाक न्हय तर आपली मानसीक भलायकी बरी उरची, तशेंच वजन सारकें संतुलनान उरचें म्हूणव्यायाम गरजेचो. आतां व्यायाम करपाकवेळ काडूंक ना जाल्यार फुडें दुयेंसांक वेळ काडचो पडटलो. जो मनीस आपल्या सदच्या कामांनी व्यस्त आसता, जाका व्यायाम करपाक फावोतितलो वेळ मेळना, चलपा परस ताका आनीकसलोच बरो व्यायाम ना. चलपाच्या व्यायामा वांगडा मनाक शांती मेळटा तशेंच मन शांत आशिल्ल्यान त्या वाठारांविशीं गिन्यान लेगीत कुशळटायेन एकठांय करूंक मेळटा. पूण चलप आनी सैमाचें एकीकरण केलें जाल्यार? ताचे भायर सैम आमची अशी इश्टीण. जाचे कडेनपुस्तक वाचिनासतना गिन्यानाचो भंडार भरला, तशें वास्तवीकतायेन ती आपूण एकव्हडलो गिन्यानाचो भंडार. देखून आमी आठवी ‘ब’ वर्गातले कांयविद्यार्थी आमची सगल्यांत आवडटी इतिहास शिक्षिका पूनम बुर्ये हांचे वांगडा मेळून, चलप हें एक माध्यम धरून सैमावांगडा एक न्हय तर कितल्योश्योच यादी घडोवपाक एक “Nature Walk” नांवाचो सैमपिश्यांचो पंगड तयार केलो.
कशे करपाचे? कितें करपाचे? ते चितनासतनादिवाळेचे सुटयेंत, दिवाळी उपरांत, पयल्याच बिरेस्तार दिसा, ऑक्टोबराचे 26 तारखेर आमी पयली पांयभोंवडीकेली. पूनम टिचरीन आमकां सकाळफुडें श्रीदेव बोडगेश्वर देवस्थाना कडेन एकठांय जावपाक सांगलें. दर एकल्याक पांयभोंवडेचो हेतू आमचे खातीर सैमा वांगडायादी घडोवप आसलोच, पूण आनी एक हेतू आसलो तो म्हळ्यार “Chasing the Sunrise” म्हणल्यार सूर्य उदेंता तो पळोवप. ह्या पांयभोंवडेचो मार्ग तर आमकां सगल्यांकूच खबर आशिल्लो. पूण मुक्काम फक्त पूनम टिचरीक. मार्गा वयल्या सुंदर घरांचे इमारतशास्त्र जाणून घेवन, एका व्हड वडाच्या रुखांपोंदा आमचो आवडटो फोटो काडून, थंयसरल्या सैमावांगडा इश्टागत करून आमी आमच्या मुक्कामां कडेन पावलीं आनी ती म्हणल्यार आमच्या पूनमटिचरीची “जीवन आनंद संस्था” पर्रा, बार्देस. हे संस्थेन रस्त्यारआयिल्ल्या मनशांक, जांकां कोणाचोच आदारना, थंय आपलेपण अणभवपाक एक संदमेळटा. ह्या संस्थेच्या कार्यकर्त्यांक त्या संस्थेच्या लोकां मदीं मायेमोगान वावुरतनापळोवन मनां- काळजांतल्यान कितेंतरी सेवा करची अशें दिसता. तांचे वांगडा नाश्टो करून आमी बशींत बसून आमचे सुरवातेच्या सुवाते कडेन परतलीं.
पयलेच पांयभोंवडेचो अणभव पळोवनदुसरी भोंवडी आमी सोमतीच दुसऱ्या सप्तकांत बिरेस्तार दिसाच, 2 नोव्हेंबराक थारायली. आमी सगलीं सकाळ फुडेंगॅलक्सी हॉस्पिटलां कडेन एकठांय जालीं. हे खेपे लेगीत आमकां आमचो मुक्कामखबर नाशिल्लो. पूण मुक्कामा वांगडा मार्ग लेगीत पूनम टिचरीक सोडून कोणाकूच खबर नाशिल्लो. पूनम टिचरीचे गाडयेंत बसूनआमी शिवोली पुलार गेलीं. ही पांयभोंवडी आमच्या हेर भोंवडे परस सगल्यांत व्हड आशिल्ली. हे भोंवडेंत आमी सुमार 7 किलोमिटर चल्लीं. हे भोंवडेन आमची सुरवात करपाचीसुवात आशिल्ली शिवोली पूल आनी मुक्काम पेडणेंचो सगल्यांत सोबीत वाठार म्हळ्यार आगरवाडचो खाजनगुंडो बांद. वाटेर मोरजे सर्कल पळयत, फोटू काडीत, आगरवाडचो बाजार भोंवत, व्हडले व्हडले रूख पळयत आमी बांदार पावलीं. चलत चलत केन्ना बांदार पावलीं कळ्ळेंच ना. बांदार पावली म्हणटकूच आमचे खोशयेक शिममेर उरली ना. त्या वाठारांतलो सैमआनी जे तरेन थंयसरल्या लोकांनी त्या वाठाराक जांबळ्या आनी पाचव्या रंगान रंगयिल्लो, त्या वाठाराची सोबितकायखंयच्या दुसऱ्याच पांवड्यार पाविल्ली. आमी त्या दिसा खरीच सैम पिशीं जालीं.
खरें म्हणम जाल्यार सैमाच्या मनस्थितीचो अदमास व्हड शास्त्रज्ञ लेगीत लावंक शकनात. फुडल्या सप्तकाच्या बिरेस्तारा भोंवडी करतलीं जाल्यार काळ्या कुपांनी पावस रकलो. देखून आमकां आमची भोंवडी मुखार धुकलची पडली. फुडली पांयभोंवडी आमी 17 नोव्हेंबराक पूण शुक्रारा दिसा, खोरजुंवें वाठारांत केली. सुरवातेची सुवात आशिल्ली कालवी पूल आनी मुक्कामखोरजुवें किल्लो. ह्या किल्ल्याक नखेत्राचो किल्लो म्हणटात. कारण तांकां तसो आकार आसा. खोरजुंवें किल्ल्या विशींम्हायती काडून आमी बशींत बसून आमच्या सुरवातेच्या सुवाते कडेन परतून आयलीं, पूण इतल्यानआमची भोंवडी सोपूंक नाशिल्ली. पूनम टिचरीचे गाडयेंत बसून आमी शिवोलीच्या न्हंये देगेक आशिल्ले नुस्त्यामार्केट पळयलें. आमचे शिक्षिकेवांगडा सारिल्ले हे ल्हान ल्हान खीण सदांच यादीत उरतले.
ही भोंवडी आमची दिवाळेच्या सुट्यांचीनिमाणीं भोंवडी आशिल्ली. पूण आमच्या सैम पिश्यांचे इतल्यान मन भरूंक नाशिल्लें. देखून पूनम टिचरीन नाताळाच्या सुटयांनी लेगीत ही भोंवडी चालूच दवरपाचे थारायलें. डिसेंबराच्या 28 तारखेक, बिरेस्तार दिसा आमी पेडें खेळांमळाचे फाटले वटेन आशिल्ली “बकूळ कॉलनींत” आमची भोंवडी सुरू केली.बकूळ म्हणल्यारओंवळीचीं फुलां. तीं फुलां हातांत धरली म्हणटकच आमच्या हातांत त्या सोबीतफुलांचो परमळ सुटलो. त्या वाठारांतलो सैमइतलो सुंदर आसतलो हे आमी चितूंक लेगीत नाशिल्लें. सैमांत बसून आमी सकारात्मक विचारांचे स्मरण केले, मनांतले सगळें नकारात्मक विचार काडून उडयले आनी सैमाच्याशुद्ध हवेंत प्राणायम केलें.
थंयसरल्यान रोखडीच वर्साच्या निमाण्या दिसा म्हळ्यार 31 डिसेंबराक आमच्या सैम पिश्यांच्या पंगडाननाताळाच्या सुटयेची तशेंच वर्साची निमाणी पांयभोंवडी गिरी वाठारांत केली. ही भोंवडी आमच्या हेर भोंवडे परस मातशी वेगळी आशिल्ली. 2023 वर्साचो निमाणो सूर्य उदेता तें पळोवन आमी भोंवडीसुरू केली. हे भोंवडेन आमी चल्लींच,पूण चलपा वांगडा आमी थंयसरलीं शेतां तशेंच शेतकाम अणभवलें. त्या शेतांनी काम करपी लोकांनीआमकां शेतकामां शिकयलीं. जशे की बांयंतलें उदक काडप, उदक काडून शेताक घालप आनी हेर कामां. शेतकारांच्या कश्टांक वालोर!. कुशीक आशिल्ल्या एका माडा पोंदा, धर्तरेचेर बसून आमीआमची सकारात्मक विचारांची पेठी उगडली आनी आमची वर्साची निमाणी भोंवडी थंयच सोंपयली.. सैम आनी व्यायामाच्या एकिकरणाच्योह्यो यादी आमच्या मना काळजांत रिगल्यांत आनी अश्यो भोंवड्यो आमी परतून एकदा करतलींहाची उमेद आमच्या सगल्यांच्या मनांत अजून जागृत आसा.
आमच्या दर भोंवडेक सैम इश्टिणीन आमकां आमच्या दर पावलाक सांगात दिलो. तिची जितली तोखणाय करतलीतितली उणी. सैम आनीव्यायामाच्या ह्या एकिकरणान आमका जायत्यो शिकवण्यो दिल्यो. एक म्हणल्यार आमकां आमचे दर पांयभोंवडेचोमुक्काम खबर नाशिलल्लो. पूण मुक्काम खबर नासतना तरी मार्गार चलपांत एक आपलीच मजाआशिल्ली. तशेंच जिणेंत मुक्काम खंयआसतलो? कितें आसतलो? तें चितनासतना आपलो दर एक दीस खोशयेन व्हगडावपाचो यत्न करूंक जायअशें म्हाका दिसता. अशें म्हणलें म्हूणते आतां तुमचेर निर्भर “मार्ग म्हत्वाचो की मुक्काम?”
प्रियांका पोरोब
यत्ता: आठवी
जी. एस. आमोणकार विघामंदीर, म्हापशें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
