भांगरभूंय | प्रतिनिधी
भारत आनी दक्षीण आफ्रिका ह्या पंगडां मदीं आयज संवसारीक टी-20 सर्तीच्या सुपर 12तल्या अ गटांतली मॅच पर्थ स्टेडियमांत जातली. पाकिस्तान आनी नॅदरलॅण्ड ह्या पंगडांक हारयल्या उपरांत भारताचो पंगड बळिश्ट आफ्रिकेक हारोवपाक सज्ज आसा. भारत ही मॅच जिखून सेमी फायनलींत सुवात मेळोवपाचो आपलो मार्ग सोंपो करपाक इत्सूक आसतलो. दुसरे वटेन दक्षीण आफ्रिका पंगडाचो लेगीत आत्मविस्वास वाडिल्लो आसा. आपले फाटले मॅचींत बांगलादेशाक हारयला. झिम्बाब्वे आडची ताची मॅच पावसाक लागून रद्द करची पडिल्ली.
भारत चार गुणां सयत पयले सुवातेर आसा, जाल्यार आफ्रिका तीन गुणां सयत दुसरे सुवातेर आसा. पर्थांतली ही मॅच भारताच्या वेळा प्रमाण सांजेच्या 4.30 वरां सुरू जातली.
ऑस्ट्रेलियेंतल्या वेळा प्रमाण मॅचीक सांजेच्या सात वरांचेर सुरू जातली. त्या वेळार पावस पडपाची शक्यताय ना. पूण, रातच्या णवा उपरांत पावस पडुये अशी शक्यताय थंयच्या हवामान खात्यान उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
