भांगरभूंय | प्रतिनिधी
नवी दिल्ली: १० मार्चाक शेअर बाजारांत नेट आयला. सेन्सेक्स ५०० अंकांची वाड करून ७८ हजारांचेर चलता. तशेंच निफ्टी सुमार १५० अंकांनी वाडून २४,२०० अंकांचेर वेव्हार करता. आयज बँकींग, ऑटो आनी रियल इस्टेट स्टॉकांत व्हड प्रमाणांत वाड जाल्या.
संवसारीक बाजारांत कच्च्या तेलाच्या दरांत आयज मंगळारा १० मार्चाक व्हड प्रमाणांत उणाव आयला. आशियांतल्या सुरवातीच्या वेपारा वेळार ब्रेंट क्रुडच्यो किमती सुमार ८.५% नी देंवून ९२.५० डॉलर प्रति बॅरलाचेर आयल्या. ह्यान पयलीं काल ते ११५ डॉलरच्या लागीं गेल्ले.
जाल्यार, अमेरिकन तेलूय सुमार ९% नी देंवून ८८.६० डॉलर प्रती बॅरलच्या पांवड्यार आयलें. तेलाच्या दरांत उणाव अमेरिकेचे राष्ट्राध्यक्ष डोनाल्ड ट्रम्प हांच्या त्या वक्तव्या उपरांत आयलो, जातूंत तांणी युद्ध बेगीनूच सोंपतलें अशें म्हणिल्लें.
आशियाई बाजारांत नेट
दक्षीण कोरियाचो कोस्पी निर्देशांक ५.१०% नी वाडून ५,५१८ चेर वेव्हार करता.
जपानांतल्या निक्केईचो वेपार १,६७० अंक वा ३.२० टक्क्यांनी वाडून ५४,३९९ अंकांचेर चलता.
हांग्कांगचो हँग सेंग निर्देशांक ३२५ अंक वा १.२८ टक्क्यांनी वाडून २५,७३१ अंकांचेर पावला.
चिनाचो शांघाय संमिश्र निर्देशांक १३.०१ अंक वा ०.३२ टक्क्यांनी देंवून ४,१०९ अंकांचेर पावला.
अमेरिकेच्या बाजारांत ९ मार्चाक देंवती कळाव जालोडाव जोन्स इंडस्ट्रियल सरासरी २३९ अंक वा ०.५० टक्क्यांनी देंवून ४७,७४० अंकांचेर बंद जालो.
तंत्रगिन्यानाचेर आदारिल्लो नॅस्डॅक कंपोझिट इंडेक्स १.३८ टक्क्यांनी देंवून २२,६९५चेर बंद जालो.
डाव जोन्स इंडस्ट्रियल सरासरी ५५ अंक वा ०.८३ टक्क्यांनी देंवून ६,७९५ अंकांचेर बंद जालो.
ट्रम्प हांणी म्हणलें: झुज बेगीनूच सोंपतले
कच्च्या तेलाचे दर देंवले आनी बाजारांत वाड जावपाचें मुखेल कारण डोनाल्ड ट्रम्प हांचें निमाणें विधान मानतात. सध्याचें झूज ‘खूब बेगीन’ सोंपतलें अशें सोमारा ट्रम्प हांणी सांगिल्लें. ताच्या ह्या विधानाक लागून संवसारीक पुरवण सांखळी विशीं अनिश्चितताय उणी जाल्या आनी गुंतवणूकदारांचो विस्वास वाडला. मात सद्याचें दर अजूनय झुज सुरू जावचे पयलींच्या पातळेपरस सुमार ३०% चड आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
