भांगरभूंय | प्रतिनिधी
खबरां संस्था
काबुलः अफगाणिस्तानाच्या सेदिकुल्लाह अटलान काबुल प्रीमियर लीग 2023 क्रिकेट सर्तींतले 10वे मॅचीत एके ओव्हरींत 7 सके हुबयले. ही मॅच शाहीन हंटर्स आनी अबासीन डिफेंडर्स हाचें मदीं फाटल्या शेनवारा काबुलांतल्या अयोबी क्रिकेट स्टेडियमाचेर जाली.
अबसीन डिफेंडर्सान हे मॅचींत टॉस जिखून पयली फिल्डींग घेतली. शाहीन हंटर्साचो कॅप्टन सेदिकुल्लाह अटलान 56 बॉलांत साते चौके आनी 10 सके मारून नाबाद 118 धांवड्यो केल्यो. अटलान शाहीन हंटर्सचाचे मॅचींतले 19वे ओव्हरींत अमिर जजई हाचे ओव्हरींत 7 सके मारले. हे 19वे ओव्हरीत अशे तरेन तांणे 48 धांवड्यो केल्यो.
शाहीन हंटर्सान 20 ओव्हरींत 6 आवट 2 13 धांवड्यो केल्यो. तांका जाप दितना अबासीन डिफेंडर्सान 18.3 ओव्हरींत 121 धांवड्यो केल्यो. हंटर्सांक 92 धांवड्यांनी जैत मेळ्ळें. अमिर जजईच्या ओव्हरींतलो पयलो बॉल नो बॉल जाला. ताचेर अटलान सको मारलो. दुसरो बॉल व्हायड जाल. बाकीच्या स बॉलांत अटलान सेगीत 6 सके मारले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
