भांगरभूंय | प्रतिनिधी
डॉ. चंद्रकांत शेट्येः भाजपा वतीन दिवचले शेतकारांचो सत्कार
भांगरभूंय । प्रतिनिधी
दिवचलः शेतकारांनी सरकाराच्या विवीध येवजण्यांचो लाव घेवन सेंद्रीय आनी सैमीक शेतीक चालना दिवची. तशेंच जमीन पडीक दवरिनासतना नवे पिळगेन पुर्वजांची जमीन लागवडी खाला हाडची आनी हरीत तशेंच धवल क्रांतीक चालना दिवची, असो उलो दिवचलचे आमदार डॉ. चंद्रकांत शेट्ये हांणी मारलो.
भाजपा दिवचल मतदारसंघा वतीन ह्या वाठारांतल्या सैमीक आनी सेंद्रीय शेतीक प्राधान्य दिवपी शेतकारांचो एका खाशेल्या सुवाळ्यांत आमदार डॉ. शेट्ये हांचे हस्तुकीं सत्कार केलो. भाजपान ज्येश्ठ शेतकारांचे मेहनतीचो आदर करतना तांकां कवतुकाचे मानकरी केल्ले खातीर डॉ. शेट्ये हांणी परबीं दिली.
लाटंबार्से पंचायत विभागान आयोजीत केल्ल्या ह्या सुवाळ्याक जिल्हो पंचायत वांगडी प्रदीप रेवोडकार, डॉ. कोस्तुभ पाटणेंकार, सरपंच पद्माकर मळीक, किसान मोर्चा अध्यक्ष विठ्ठल करमळकार, मंडळ अध्यक्ष विश्वास गांवकार आनी भाजपाचे पदाधिकारी हाजीर आशिल्ले. ह्या सुवाळ्यां पद्माकर मळीक, प्रदीप रेवोडकार, विश्वास गांवकार हांणी मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
