भांगरभूंय | प्रतिनिधी
शैलेश झिंगडेः घसघशाचेर व्हरून विद्यार्थ्यांचो जीव घातिल्लो धोक्यांत
भांगरभूंय | प्रतिनिधी
पणजी : चरावणे घसघशार व्हरून विद्यार्थ्यांचो जीव धोक्यांत घाल्ल्या प्रकरणांत शिवोलच्या सेंट फ्रान्सीस झेवियर उच्च माध्यमीक विद्यालयाच्या वेवस्थापनाचेर कारवाय करपाचो निर्णय सरकार घेतलें. सरकाराच्या आदेशा उपरांतूच शिक्षण खात्यान ह्या वेवस्थापनाक नोटीस धाडल्या. विद्यालयान ते नोटिशेक जापूय धाडल्या. शिक्षण संचालक शैलेश झिंगडे हांणी ही म्हायती दिली.
घोग्यांनी पावस पडून लेगीत विद्यालयान सप्टेंबरांत सत्तरीच्या चरावणे घसघशाचेर भोंवडी आनी नितळसाण मोहिमेचें आयोजन केल्लें. पावसाक लागून उदकाची पातळी वाडली. ताका लागून 47 विद्यार्थी आनी 5 शिक्षक आडकून उरले. उजो पालोवपी दळ आनी रान खात्याच्या जवानांनी धांव घेवन तांची सुटका केल्ली. वेवस्थापनान पयलींचे नोटिशे उपरांत दिलगिरी उक्तायल्ली जाल्यार कारवाये खातीर परत नोटीस धाडपाचो वेळ येवचो नासलो. वेवस्थापनान जाल्ल्या प्रकारा विशीं दिलगिरी उक्तायनासतना मजत केल्ल्या उजो पालोवपी दळ आनी रान खात्यान फक्त स्रय घेतिल्ल्याचो आरोप केलो. हाका लागून कारवाये खातीर परतून नोटीस काडपाचो वेळ शिक्षण खात्याचेर आयलो. वेवस्थापना वतीन जी जाप आयल्या ती सरकाराक धाडल्या. सरकारी पांवड्यार कारवायेचो निर्णय जातलो, अशें झिंगडे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
