भांगरभूंय | प्रतिनिधी
गोवा वुमन्स प्रिमीयर लीग क्रिकेट सर्तींत काल जाल्ले मॅचींत सॅलेस्ते सुपरवुमन्सान जैताची नोंद करतना व्हेंच्युअर इलेव्हन पंगडाक 31 धांवड्यांनी हारयलो.
पर्वरी क्रिकेट अकादमीचेर खेळयिल्ले मॅचींत पयलीं बॅटींग करतना सॅलेस्ते सुपरवुमन्सान निर्धारीत 20 ओव्हरींनी 2 विकेटी वगडावन 177 धांवड्यो. ताचे जसिया अख्तरान 72 बॉलांनी आक्रमक 120 धांवड्यांची खेळी केली. हातूंत 16 चवक्यांचो आनी चार सक्यांचो आस्पाव आशिल्लो.
मोखीचो फाटलाव करतना व्हेंच्युअर इलेव्हन पंगडाक निर्धारीत 20 ओव्हरींनी 5 विकेटी वगडावन 146 धांवड्यो करप शक्य जाल्यो. तमन्ना निगमान नाबाद 70 धांवड्यो केल्यो.
थोडे भितर धांवतकटोः सॅलेस्ते सुपरवुमन्स, 20 ओव्हरींनी 2 बाद 177 धांवड्यो (जसिया अख्तर 120, विनवी गुरव नाबाद 38, प्रिती यादव नाबाद 18 धांवड्यो, दिक्षा गावडे 1-23) जैत आड व्हेंच्युअर इलेव्हन, 20 ओव्हरींनी 5 बाद 146 धांवड्यो (हर्षिता यादव 12, तमन्ना निगम नाबाद 70, तरन्नूम पठाण 27, दिक्षा गावडे 18 धांवड्यो, पुजा निशाद 2-28, पुर्वा भाईडकार 1-29, सायली लोणकार 1-33, स्विटी परब 1-29).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
