भांगरभूंय | प्रतिनिधी
भांगरभूंय । खेळां मेज
पणजीः 37व्या राष्ट्रीय खेळां सर्तीत वांटेकार जावपा खातीर गोंयांत आयिल्ल्या वेगवेगळ्या राज्यांतल्या सॅपेक टाकरो पंगडांक गोंय सॅपेक टाकरो असोसिएशन आनी भारतीय सॅपेक टाकरो म्हासंघाचो अध्यक्ष चंद्रकांत (बाबू) कवळेकारन येवकार दिलो. दिल्लीच्या पंगडाच सयत पांच राज्यांच्या पंगडाक कवळेकार हाणे मडगांव रेल्वे स्टेशनांत येवकार दिलो. ह्या वेळार गोंय सॅपेक टाकरो असोसिएशनाचो सरचिटणीस सूरज देसाय, भांडारी मनोज तारी आनी दिल्ली पंगडाचो प्रशिश्रक हेमराज हाजीर आशिल्लो.
गोंयांतले राष्ट्रीय खेळांत 24 राज्यांचे सॅपेक टाकरो पंगड वाटेकार जातले. सगळे पंगड उत्कृष्ट कामगिरी करून दाखोवपाक तयार आसात असें कवळेकारान सांगलें. 30 ऑक्टोबर तें 3 नोव्हेंबर मेरेन सॅपेक टाकरो मॅची जातल्यो. राष्ट्रीय खेळां सर्तींत आमी बरी कामिगीर करतले असो हावेस दिल्ली पंगडाचो प्रशिक्षक हेमराज हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
