भांगरभूंय | प्रतिनिधी
भांगरभूंय, प्रतिनिधी :
पणजी : सर्गेस्त सुषमा सुभाष वेलिंगकार यादस्तीक प्रतिष्ठानाचो पयलो वर्धापन दीस बिरेस्तारा 11 एप्रिलाक सांजेच्या 4.30 वरांचेर पाटो पणजे हांगांच्या कला आनी संस्कृती भवनांतल्या सभाघरांत आयोजीत केला. प्रतिश्ठाना वतीन अंतर्गत कायम स्वरूपाच्या पणजे ‘भलायकी सेवा केंद्राचें’ उक्तावण जातलें.
ह्या कार्यावळीक मुखेल सोयरे म्हणून समाज वावुरपी तशेंच फोंड्याची सेवाभावी प्राध्यापिका डॉ अनिता संतोष तिळवे, तशेंच मानाचें सोयरे म्हूण कलासक्त आयुर्वेद तज्ज्ञ डॉ कृष्णराव काशिनाथ संझगिरी हाजीर रावतले.
सुषमा वेलिंगकार यादस्तीक प्रतिष्ठाना वतीन सामाजीक मळार बरे कांम केल्ल्या बायलांक समाजमाता हे पुरस्कार दितले. ज्या बायलांनी निरपक्ष भावनेन हिंदूच्या वेगवेगळ्या संघटनांचो प्रचार करपाक मार्गदर्शन केलां. पूण स्वता केन्यना श्रेय घेतिल्लें ना तांका हे पुरस्कार फावो जाल्यात.. अंदूं वर्सा ‘समाजमात’ हें पुरस्कार चार बायलांक दितले. तातूंत सर्गेस्त नलिनी पांडुरंग सामंत, म्हापशें , सर्गेस्त सुनीता श्रीपाद नायक, करमळी- तिसवाडी , सुशीला रामदास बखले मडगांव आनी सर्गेस्त उपमा गोपाळ गावडे, दोडार्माग हांका हे पुरस्कार फावो जाल्यात.
‘समाजमाता’ पुरस्कार डॉ अनीता तिळवे हांच्या हस्तुकीं दितलें. आनी ‘भलायकी सेवा केंद्राचें’ उक्तावण डॉ कृष्णनाथ संझगिरी हांच्या हस्तुकी जातलें. हे कार्यावळीक सगल्यानी व्हडा संख्येन हाजीर रावचें असो उलो सूर्यकांत लाडू गांवस हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
