भांगरभूंय | प्रतिनिधी
रिया चक्रवर्ती सयत सगल्या दोशींक क्लिन चीट
मुंबय, खबरां संस्थाः हिंदी सिनेअभिनेतो सुशांत सिंह राजपूताच्या मरणाच्या प्रकरणांत सीबीआयन क्लोजर अहवाल म्हणल्यार निमाणो अहवाल न्यायालयांत सादर केला. ह्या अहवालांत रिया चक्रवर्तीक क्लीन चिट दिल्या. आतां हे संबंदीं रियाचो वकील सतीश मानेशिंदे हांची प्रतिक्रिया उजवाडाक आयल्या.
सुशांतचें मरण आत्महत्येक लागूनच…
अभिनेता सुशांत सिंह राजपुतची कूड १४ जून २०२० दिसा ताच्या घरा सांपडली. ह्या मरणाचें प्रकरण सुरवातेक आत्महत्या जर दिसली तरी कांय गजालींनी दुबाव निर्माण जाल्ल्यान हें प्रकरण सीबीआयकडेन दिल्लें. आता सीबीआयन ह्या प्रकरणात जो निमाणो अहवाल सादर केला, तातूंत सुशांतच्या मरणाचें कारण आत्महत्या हेंच नमूद केलां.
रिया चक्रवर्ती आड कारवाय
सुशांत सिंहाचो बापूय के के सिंह हांणी सुशांताक अत्महत्त्येक प्रवृत्त केल्ल्याची रिया चक्रवर्ती आड केस दाखल केल्ली. सुशांत सिंह राजपूताच्या मरणाच्या प्रकरणांत कट नाशिल्ल्याचें सीबीआयन म्हणलां आनी रिया चक्रवर्ती आनी हेर आरोपींक क्लीन चिट दिल्या.
सतीश मानेशिंदे हांणी कितें म्हणलें?
रिया (रेहा चक्रवर्ती) सुशांतच्या मरणाच्या स दिसां पयलींच स दिसां पयलींच ताच्या घरांतल्यान गेल्ली. उपरांत फुडले स दीस ती तांच्या संपर्कांत नाशिल्ली. म्हाका खबर ना, ह्या सगल्या मदीं रियाक कित्याक हाडली ती. लोेकांनी जे नरेटिव्ह पातळायल्या ते सगले चुकीचे आशिल्लें हें अहवालांतल्यान सिद्ध केलें. रिया चक्रवर्ती पयल्या दिसा सावनूच निर्दोश आशिल्लीं. ती वाघीण कशी लढली. हांव तिका बंगालची वाघीण म्हणटालों. रिया विशीं हांव पयल्या दिसां पसून हेंच सांगतालों, की ती दोशी ना. सोशल मीडिया, इलेक्ट्रॉनिक मीडियावेल्यान तिचे विशीं जायत्यो फटीचे बातम्यो केल्यो. कांय राजकी पक्षांचे, राजकी- धर्मीक संघटनांचे लोक सोशल मिडिया वयल्यान तिचेर सामके तुटून पडिल्ले. तिका ह्या सगल्याचे बरेच त्रास जाले. मात ते तिणें सोंसले अशेंय सतीश मानेशिंदे हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
