भांगरभूंय | प्रतिनिधी
दिवचल : सुलक्षणा सावंत हांणी दाखल केल्ल्या अब्रुलुकसाणेच्या खटल्याच्या सुनावणे मजगतीं आपचे खासदार संजय सिंग हांणी जाप सादर करपाक वेळ मागिल्ल्यान हें प्रकरण ७ मार्च मेरेन फुडें धुकल्लां. तो मेरेन जाप सादर करची अशे निर्देश आपचे खासदार संजय सिंग हांकां न्यायालयान दिल्यात. ह्या प्रकरणाची सुनावणी आयज २४ जानेवारीक दिवचल पयलोवर्ग न्यायालयांत जाली.
शुक्रार, १० जानेवारीक दनपरां २ वरांचेर जाल्ले सुनावणेंत, मुख्यमंत्री डॉ. प्रमोद सावंत हांणी बायल सुलक्षणा सावंत हांची बदनामी करपी खंयचेंय विधान करचे ना अशें निवेदन आप पक्षाचे खासदार संजय सिंह हांचे वतीन तांच्या वकिलांनी न्यायालयांत सादर केल्लें.
डिसेंबर म्हयन्यांत दिल्लीक घेतिल्ले पत्रकार परिशदेंत आपचे राज्यसभा खासदार संजय सिंह हांण सुलक्षणा सावंत हांचें नांव ‘कॅश फॉर जॉब’ घोटाळ्या कडेन जोडिल्लें. उपरांत सुलक्षणा सावंत हांणी हाचे आड १०० कोटी रुपयांचो मानहानीचो खटलो दाखल केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
