भांगरभूंय | प्रतिनिधी
पणजी : राज्यांतल्या इमारत बांदकाम नेमां प्रमाण रीअल इस्टेट आस्थापनांक कामगारांची सुरक्षा आनी भलायकी विशयाचें धोरण तयार करप सक्तीचें आसा. आतां मेरेन एकाय आस्थापनान कामगार सुरक्षा आनी कामगार भलायकी विशयाचें धोरण तयार करूंक ना. महालेखापालांच्या (कॅग) अहवालांत ही गजाल नमूद केल्या.
राज्यांत ५० परस चड कामगार आशिल्ल्या रीअल इस्टेट आस्थापनांक कामगार सुरक्षा आनी भलायकी धोरण तयार करचें पडटा. ताचो मसुदो खात्याक सादर करचो पडटा. राज्यांत ५० परस चड कामगार आशिल्ल्या रीअल इस्टेट आस्थापनांचो आंकडो ५१ आसा. २०१८ ते २०२२ ह्या काळांत ५१ रीअल इस्टेट आस्थापनांची नोंदणी जाली. हातुंतल्या एकानूय कामगार सुरक्षा आनी भलायकी धोरण तयार करूंक ना.
मुख्यमंत्री डॉ. प्रमोद सावंत हांणी बांदकाम मळावेल्या कामगार कल्याणा संबंदीचो स्वतंत्र महालेखापाल अहवाल सभाघरांत सादर केलो. ह्या अहवालांत ही बाब नमूद केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
