भांगरभूंय | प्रतिनिधी
डॉ. मनोज कामतः काणकोणां इश्ट परिवारा वतीन स्नेह मेळावो
काणकोणः सुभाष कोमरपंत हांणी कर्तव्यनिश्ठेन प्रामाणिकपणान नांव जोडलां. कोमरपंत कुटुंबान धनसंपदा जोडली नासत, पूणजनसंपदा जोडल्या. समाजा कडेन निश्ठेन वागपी हें घराणें. ह्या घरांत भेदभावाच्यो वण्टीनात, देखून ह्या घराण्याची लुक्तुबाय दिसता अशें बांबोळी कुजिरा हांगासरल्या धेंपोम्हाविद्यालयाचे प्राचार्य डॉ. मनोज कामत हांणी सांगलें.
एक शेतकार, भजन कलाकार, नाट्यकलाकार, वेगळ्यावेगळ्या संस्थांचो वांगडी,आय.डी.सी.चो सेवा निवृत्त कर्मचारी सुभाष कोमरपंत सरकारी सेवेंतल्यान निवृत्तजाल्ले निमतान तांच्या इश्ट परिवारान आनी तांच्या कुटुंबान राजबाग तारी वेल्या मोलेमा रिसोर्टाच्या सभाघरांत स्नेहमेळाव्याचें आयोजन केल्लें, त्यावेळार प्राचार्य डॉ. मनोज कामत उलयताले.
ह्या वेळार माचयेर काणकोणचेनगराध्यक्ष रमाकांत नायक गांवकार, ज्येश्ठसाहित्यीक डॉ. सोमनाथ कोमरपंत, साहित्यीक कमलाकर म्हाळशी, सादोळशें माध्यमीकविद्यालयाचे मुख्याध्यापक सुदेश नायक, सुभाष कोमरपंत, तांची घरकान्न शुभांगीकोमरपंत, तांचो व्हडलो भाव आर.बी.एस. कोमरपंत, आनी इश्ट परिवाराचो वांगडी बबेश बोरकारमाचयेर हाजीर आशिल्ले.
मानेस्तां हस्तुकीं शाल, श्रीफळआनी यादिस्तीक भेटोवन सुभाष कोमरपंत हांचो ह्या वेळार भोवमान केलो. जाल्यार तांच्या घरकान्नीचीखणा नाल्लान सृष्टी आनी साईनीती कोमरपंतहांणी व्हंट भरली.
सुभाष एकअश्टताशी व्यक्तिमत्व, समाजीक जाणीव दवरून तो समाजा खातीर वावुरला. तो मनीस म्हूण सर्वांगी परिपूर्ण. व्हडल्याभावान धाकल्या भावाक मानदंड मानप ह्याच उदाहरणा वेल्यान ताचो सभाव कळटा. सुभाष होआपल्या नांवा प्रमाण वागला. ताच्या बऱ्या गुणाक लागून, ताच्या वाडवडिलांचे पुण्यायेकलागून सुभाषाक परबीं भेटोवंक व्हड संख्येन लोक जमल्यात. ताचे वेल्यान सुभाषाची महतीकळटा अशे डॉ. सोमनाथ कोमरपंत हांणी सांगलें.
सुभाष हो सुरवातेकशेतकार. ते उपरांत सरकारी नोकरेंत रुजू जालो. सरकारी नोकरी करतना ताणें कसलोच दाग लावन घेतलो ना. तो समाजा खातीर वावुरलोदेखून तो सगल्यांचो प्रीय जालाे अशें नगराध्यक्ष रमाकांत नायक गांवकार हांणी सांगलें.
कोंकणी चळवळ ते आतां मेरेन रुक्बाय घराण्याची वळख गोंयभर जाल्या.सुभाषान गरिबी सोंसल्या. कश्ट सोंसल्यात. तेताच्या तोंडार आयजूय दिसतात. ती खूण आसा. ताणें ती पुसून उडोवची अशें कमलाकरम्हाळशी हांणी सांगलें.
रुक्बाय घराण्याची व्हडवीकखूब मोठी. कोणाकूय नसाय जावची अशें हें घराणें. खंयच्याय उत्सवा वेळार रुक्बायचे घर भरूनव्हांवता. हीच ह्या घराण्याची शान अशें सुदेश नायक हांणी सांगलें. ह्या वेळार सुभाषकोमरपंता विशींची ताच्या इश्टांनी व्यक्तकेल्ली म्हायतीची चित्रफीत दाखयली.
ह्या वेळार सुभाष कोमरपंतानआपले मनोगत व्यक्त करतना एका सामान्य व्यक्तीक आयज असामान्य व्यक्ती करून आपलीजबाबदारी आनीक वाडयली. आपल्याचेर उपाट मोग दाखयलो अशे सांगून हाजीर आशिल्ल्यांचे उपकार मानले.
मानेस्तांक श्रीविद्या कोमरपंत, दिशा देविदास, समृद्धी कोमरपंत, साईराजकोमरपंत, धारेश काळे, मानस कोमरपंत, वरिष्ठा कोमरपंत हांणी फुलांतुरे भेटयले. येवकारआनी प्रास्तावीक आर.बी.एस.कोमरपंत हांणी केले. सुत्रसंचालन संजय कोमरपंतान केलें, जाल्यारबबेश बोरकारान उपकार मानले. ही कार्यावळ जैतिवंत करूंक उल्हास गांवकाराचें सहकार्यलाभलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
