भांगरभूंय | प्रतिनिधी
भांगरभूंय । प्रतिनिधी
केरी-सत्तरीः साखळेच्या सरकारी उच्च माध्यमीक विद्यालयान 17 वर्सा पिराये सकयल्ले सुब्रोतो शालेय फुटबॉल सर्तींचें दिवचल तालुको पांवड्या वयलें वस्तादपण मेळयलें. गोंय खेळ आनी युवा वेव्हाक खात्यान वतीन ही सर्त आयोजीत केल्लेी.
साखळे हांका सेझा गोवा अकादमी खेळां मैदानार जाल्ले फायनलींत साखळे माध्यमीक विद्यालयान साखळेच्याच प्रोग्रेस हायस्कूल पंगडाचो 2-0 अशें हारयलें. यश पाटील आनी निखील खोलकार हांणी हे गोल केले. जैतिवंत पंगडांत विघ्नेश नायक, राज झंगली, विक्रम सेन, जोनास क्वाद्रास, विघ्नेश डांगी, प्रशांत आमोणकार, विराज ठाणेकार, सेरिनो नोरोन्हा, सुजल पेडणेकार, डी.एस.झिमिक मारिंग, साहिल मोहम्मद, मेघ मोरसकार, निखिल खोलकार, यश पाटील,
अम्रन परब आनी साई चोपडेकार हांचो आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
