भांगरभूंय | प्रतिनिधी
वॉशिंगटन, खबरां संस्था: अमेरिकेचे राष्ट्राध्यक्ष डोनाल्ड ट्रम्प हांणी शेनवारा नासाची अंतराळवीर सुनीता विल्यम्स आनी बुच विल्मोर हांकां ओव्हरटायम वेतन दिवपा विशीं उलयले. दोगूय अंतराळवीर ५ जून २०२४ दिसा नासाच्या संयुक्त ’क्रू फ्लायट टेस्ट मिशन’चेर गेल्लीं.
हें मिशन ८ दीस चलपाचें आशिल्लें, पूण अंतरिक्ष यानाच्या थ्रस्टरांत इबाड जाल्ल्यान तें ९ म्हयने आंतरराष्ट्रीय अंतराळ केंद्रांत (आयएसएस) आडकलें. एलान मस्क हाच्या अंतराळ यानाच्या आदारान १९ मार्चाक तांकां परत हाडले.
हे विशीं ट्रम्प हांकां विचारलें, ह्या ओव्हरटायमा खातीर ते दोनूय आंतराळ विरांक अतिरिक्त पगार दिताले? हाचेर ट्रम्प हांणी- हे विशीं कोणेंय म्हजे कडेन केन्नाच उलोवंक ना. गरज पडल्यार हांव म्हज्या बॉल्सांतल्यान पयशे दितलों. तांकां जें सोंसचें पडलें ताचे परस तें चड ना.
अंतराळांतल्यान परतले उपरांत सुनीता विल्यम्साक ड्रॅगन कॅप्सूलच्यान भायर काडटना तिच्या मुखामळा खोस दिसून आयिल्ली.
नासा अंतराळ विरांक दिसपट्ट्या खर्चा खातीर दिसाक ५ डॉलर दिता
नासाच्या अंतराळ विरांक सरकारी कर्मचारी मानतात. तांकां हेर सरकारी कर्मचार्यां सारको पगार मेळटा. विस्तारीत मोहिमेक वेगळो असो पगार ना – अदीक वेळ, सप्तकाचे शेवट, वा सुटी सयत. अंतरिक्षयात्र्यांक भोंवडी, रावपाची सुवात आनी जेवण हांचो खर्च नासा करता. ते भायर दिसपट्ट्या ल्हान खर्चा खातीर ५ डॉलर (४३० रुपया) चड दितात. सुनीता विल्यम्स आनी बुच विलमोर हांचो पगार अनुक्रमान ९४,९९८ डॉलर (८१,६९,८६१ रुपया) आनी १२३,१५२ डॉलर (१,०५,९१,११५ रुपया) आसा. ते भायर अंतराळांत रावपी वट्ट २८६ दिसां खातीर तांकां १,४३० डॉलर (१,२२,९८० रुपया) मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
