भांगरभूंय | प्रतिनिधी
भावंडांनो,
भावंडांनो,
आमच्या देशाचे उदरगतींत दादलो आनी बायल हीं समान दर्जाचीं आसात. दादल्यांनी जितले कश्ट काडून देशाचे उदरगतीक हातभार लायला, तितलेच पटीन बायलांनीय देशाचे उदरगती खातीर हातभार लायला. बायल मनीस आयज सक्षम जायत आसा. उदरगतीच्या दरेक मळार ती आपले तांकीन, कुशळटायेन मुखार सरत आसा. दादल्यांच्या खांदाक खांद लावन देशाक समृद्ध करपाचें आपलें पावल उखलीत आसा. अशेच तरेच्या सेवेन जिणेंत असामान्य येस जोडीत आसा. अशा बायलां मदीं अंतराळ विरांगना सुनिता विलियम एक आसा.
भावंडांनो, सुनिता विलियम्स हिचो जल्म 19 सप्टेंबर 1965 दिसा अमेरिकेंत जालो. तिचो बापूय डॉ. दिपक पंड्या हे गुजरांतांतले एक संशोधक, शरीरशास्त्राचे प्राध्यापक आनी लेखकय. तांची आवय बोनी त्सालोकर, मात स्लोलोनियन. सुनिताचे घरकार मायकल विलीयम्स.
सुनिता भुरगेपणांतूच उदकांत पेवपाक फिशाल आशिल्ली. तेचपरीं घोडेस्वारी, पियानो वाजोवप, रांदप ह्यो तिच्यो आवडीच्यो गजाली आशिल्ल्यो. आपले आवडी प्रमाण 1987 वर्सा तांणी युनायटेड स्टेटस नेव्हल अकादमींतल्यान बीएसी फिजिकल सायन्सींतक्यान पदवी मेळयली. 1989 वर्सा सर फ्लोरीजंत नेव्हल एव्हीएटर म्हण
तांची नेमणूक जाली. 1993 वर्सा नेव्हल टेस्ट पायलट ही पदवी मेळयली.
पदव्युत्तर शिक्षणा उपरांत 1998 वर्सा ’नासां’त अंतराळयात्री म्हूण तिची निवड जाली. ते वेळार आदलो 30 विमानांतलो 2300 फ्लायट अवर्स उड्डाणाचो अणभव तांकां उपेगांत पडलो.
भावंडांनो, आयएसएस खातीर निवड जाल्ल्या अंतराळविरांचेर खूब व्हड जापसालदारकी आसता. परिस्थितीक फुडो करप, ताचेर नियंत्रण मेळोवपाक एखादी गजाल घडोवन हाडपाक वा नादुरुस्त भाग दुरुस्त करून नव्यान जोडपाक, तातडीची परिस्थिती हाताळपाक, अंतराळांतली अपजिविका सदच्या घटनांच्यो नोंदी आदी बऱ्याच गजालीं खातीर लागपी खर प्रशिक्षण खर यत्नांनी सुनीतान पुराय केल्लें. 1998 वर्सा नासांत जाल्ल्यान ती अंतराळयात्री थारली. 11 डिसेंबर 2006 दिसा सुनिता विलियम आयएसएसचेर पावली. 16 डिसेंबर 2006 दिसा एका सांगात्या वांगडा अंतराळ यानांतल्यान भायर सरून 7 वरां 31 मिण्टांच्या खर यत्नांनी त्या अवकाश स्थानकाच्या विद्युत प्रणालीची दुरुस्ती केली.
भावंडांनो, उपरांत सुनितान जायते विक्रम प्रस्थापीत केले. तांणी 29 वरां 17 मिण्टांचो स्पेसवॉक करून विक्रम केलो. अशे कितलेशेच विक्रम तिणें केले.
अशा ह्या धाडशी आनी उर्बा दिवपी अंतराळ विरांगनाचो सदांच अभिमान बाळगुवया हां बरें तर.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
