भांगरभूंय | प्रतिनिधी
खबरां संस्था
मुंबयः सुदिरमन कप 2023 बॅडमिंटन सर्तींत भारतीय पंगडाची सुरवात बाबत जाली. चीनी तायपेन तांकां 4-1 अशें हारयलें. तृषा- गायत्री जोडयेन भारताक एक गेम जिखून दिली. मिश्र पंगड चॅम्पियनशिपींत अजून लेगीत एक पदक जिखपाक शकनाशिल्ल्या भारतीय पंगडात सुरवेच्यो चा मॅची वोगडायल्यो.
भारतीय पंगडाक मिश्र दोट्टी, दादल्याची एकोटी, बायलांची एकोडी आनी दादल्यांच्या दोट्टींत हार खावची पडली. बायलांच्या दोट्टींत तृषा जॉली आनी गायत्री गोपीचंद जोडयेन जैत मेळोवन भारताक 7 गुण घेवंन दिले. पयले मिश्र दोट्टींत भारताच्या आश्विनी पोनप्पा आनी साई प्रतीक जोडयेक होंग वेई आनी लीचिया सीन हांचे कडल्यान हार खावपी पडली.
बायलाचें एकोडीत पीव्ही सिंधूक संवसारीक क्रमवारींत पयले सुवातेर आशिल्ल्या ताई जू हाणे 21-14, 18-21 आनी 21-17 अशें हारयलें. सिधूची ताई जू कडल्यान जाल्ली ही 18वी हार आसा. आतां मेरेन तांचे मदीं 23 मॅची जाल्यात. सिंधूक फकत 5 फावट जैत मेळ्ळां.
आशियाई चॅम्पियनशीप सर्तींत भांगरा पदक जिखपी सात्विक आनी चिराग हे जोडयेक दोट्टींत हार खावची पडली. चीनी ताईपेनच्या ली यांग आनी वांग ची लीन हाणे तांका 21-13, 17-21 आनी 21-18 अशें हारयलें.
सुदिरमन कप सर्त पांच श्रेणींत जाता. बायलो आनी दांदल्यांची एको़डी, दोट्टी आनी मिश्र दोट्टी हातूंत सगल्यांत चड मॅची जिखपी टीम वस्ताद थारता. अंदूचे 18वे सर्तींत 16 पंगडा पात्र थारल्यात. ताकां चार पंगडात वांटून घातलां. भारताचो आसपाव सी ग्रूपांत आसा. मलेशिया, चीनी तायपे, ऑस्ट्रेलिया ह्या पंगडांत आसा. ए ग्रूपांत चीन, डेनमार्क, सिंगापूर आनी बी ग्रूपांत इंडोनेशिया, थायलँड, जर्मनी आनी कॅनाडा आनी डी ग्रूपांत जपान, दक्षीण कोरिया, फ्रान्स आनी इंग्लंडाचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
