भांगरभूंय | प्रतिनिधी
भुरग्यांचेर जावपी सुण्यांच्या हल्ल्यां खातीर कोण जापसालदार?
सर्वोच्च न्यायालयान मंगळारा रस्ताद सुण्यांच्या हल्ल्याचेर टिप्पणी केली. न्यायालयान म्हणलें, ‘‘भुरगीं वा जाणट्यांक सुणे चाविल्ल्यान, जखमी जाल्ल्यान वा मरण आयिल्ल्याच्या दरेका प्रकरणांत आमी राज्य सरकारांकडल्यान व्हड लुकसाण भरपाय मेळोवन दितले. हाचें कारण म्हळ्यार तांणी फाटल्या ५ वर्सांनी नेमांची अंमलबजावणी करपा खातीर कांयच करूंक ना.’’
कोर्टान म्हणलें, ’रस्ताद सुण्यांक खावपाक घालप्यांचीय जापसालदारी निश्चीत करतले. जर तुमकां ह्या जनावरांचेर मोग येता जाल्यार तुमी तांकां घरा कित्याक व्हरनात? हीं सुणीं रस्त्यार कित्याक भोंवत रावचीं? लोकांक चावचीं आनी भेकडावचीं? तांकां आमी अशेच सोडपाक शकनात.’
न्यायमुर्ती विक्रम नाथ, न्यायमुर्ती संदीप मेहता आनी न्यायमुर्ती एन.व्ही. अंजारिया हांच्या खंडपीठान म्हणलें, ‘सुण्यां मदीं एका विशीश्ट तरेचो विशाणू आसता, जाचेर कसलोच उपचार ना. आतां मेरेन चार दिसांचे सुनावणेंत भावना फकत सुण्यां खातीरूच दिसतात. जेन्ना सुणे ९ वर्सांच्या भुरग्याचेर हल्लो करतात तेन्ना ताका कोण जापसालदार आसतलो? हाचेर आमी दोळे धापचे? ’
ह्या प्रकरणाची फुडली सुनावणी आतां २० जानेवारीक दनपरां २ वरां सावन जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
