भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशें पालिका मंडळान सुक्या कोयराचें वेवस्थपान आनी साहित्य पुनर्प्राप्ती सुविधा उबारपा खातीर अनुभूती वेल्फेर असोसिएशना कडेन समजिकायेची कबलात केल्या. मंगळाराक म्हापशेंचो आमदार आनी उपसभापती जोशुआ डिसोझा हाचे हाजेरेंत नगराध्यक्ष डॉ नूतन बिचोलकार आनी मुख्याधिकारी चंद्रकांत शेटकार हांणी हे कबलातीचेर सयो केल्यो. ह्या वेळार नगरसेवक आनी नगरसेविका हाजीर आशिल्ल्यो.
अनुभूती असोसिएशनान पालिके वांगडा टिल्ट लायट हावस प्रकल्प हातांत घेतला. तांचो गोंयांतलो व्हो पयलोच प्रकल्प आसा. कुचेली हांगां एमआरएफ प्रकल्पाचें डिजिटलायझेशन हातांत घेवंन सुक्या कोयराचे हाताळणे खातीर मजत करपाचें आस्वासन हे असोसिएशनान पालिका मंडलाक दिलां. अनुभूती असोसिएशना वांगडा आमी कोयर वेवस्थापनाच्या मुद्द्याचेर समजिकायेची कबलात केल्या. फुडल्या पांच वर्सांत म्हापश्यांत प्लास्टिक हावस प्रकल्प हातांत घेतले अशें नगराध्यक्ष डॉ बिचोलकारान सांगलें. कोयराचें पृथ्थकरण करप, परत वापप करपाक जाता अश्या वस्तूंचो परत वापर करप हे संबदी ही कबलात आसा. ह्या प्रकल्पाचें अर्थीक वजें पालिकेचेर पडचें ना. कोयराचो प्रस्न सुटावो करपाक असोसिएशन आमकां मजत करतलें अशी म्हायती तिणे दिली.
असोसिएशनाची प्रकल्प मुखेली इला जोसेफ हिणे आमी सुमार एक हजार घराचें सर्वेक्षण केलां अशी म्हायती दिली. आमचो उद्देश कोयराचें रिसायकलीकरण करपाचो आसा. ना जाल्यार तो पर्यावरणाक बांदिकारक थारता. आमचे कडेन यंत्रसामुग्री आसा. ताचे वरवीं कोयराचे विलगीकरण करतात आनी परत वापरपाक जाता ताचो परत उपेग करपाक पुरवण करतले अशें तिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
