भांगरभूंय | प्रतिनिधी
हळदुवो रंग, सीवेज टँकरचो उल्लेख करपाची सक्ती
पणजी : राज्यांतल्या सीवेजची (घाणयारें उदक) येरादारी करपी टँकरा खातीर आतां नोंदणी करप गरजेचें. हे खातीर ५ हजार रूपयांचें नोंदणी शुल्क आसतलें. हे विशींची अधिसुचवणी अर्थ खात्यान जारी केल्या. तशेंच सीवेज टँकर आतां थारावीक रंगाचेच आसप गरजेचे.
सीवेज टँकर हळदुव्या (मस्टड येलो) रंगाचो आसपाक जाय. तशेंच टँकराच्या फुडल्यान आनी दोनूय वटयां सीवेज टँकर अशें बरोवप सक्तीचें.
तशेंच मलनिस्सारण प्रकल्पांतल्यान (एसटीपी) प्रक्रीया केल्ल्या उदकाची येरादारी करपी टँकरांक पांचवो रंग आसपाक जाय. ह्या टँकराच्या मुखार आनी दोनूय वटेन ‘ट्रिडेड सीवेज टँकर’ अअशें बरोवप सक्तीचें.
ह्यान पयलीं सीवेज टँकरांतल्यान पिवपाच्या उदकाची पुरवण करपाचे गैरप्रकार जाल्यात. ह्या टँकराचेर कारवाय करपाची मागणी लोकांनी केल्ली. थारावीक रंग आनी सिवेज टँकर असो उल्लेख आशिल्ल्यान पिवपाच्या उदकाचे टँकर आनी सीवेज टँकर वळखप सामान्यांक शक्य जावचें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
