भांगरभूंय | प्रतिनिधी
नवी दिल्ली, खबरां संस्था: केंद्र सरकारान सीआयएसएफच्या बायलां बटालियन स्थापन करपाक मान्यताय दिल्या. ह्या बटालियनांत १००० परस चड बायलांचो आसपाव आसतलो. खंयचेय आपत्कालीन परिस्थितींत ही बटालियन कमांडो वरींच सुरक्षा दितली.
सध्या देशांत १२ सीआयएसएफ बटालियन आसात, मात तातूंत एकूय बायलां बटालियन ना. बटालियनांत आसपाव आशिल्ल्या बायलां सैनिकांक विमानतळ, दिल्ली मेट्रो आनी व्हीआयपींचे सुरक्षीततायेंत कमांडो प्रमाण तैनात करतले. गरजे प्रमाण ते हेर कडेनूय तैनात करतले. ५ मार्च २०२२ दिसा ५३ व्या सीआयएसएफ दिसा़ निमतान अमित शहा हांणी बायलां बटालियन स्थापन करपाचो प्रस्ताव दवरिल्लो. आतां ताका मंत्रालया कडल्यान अधिकृत मान्यताय मेळ्ळ्या. सीआयएसएफ बेगीनूच पयल्यो सगळ्यो बायलो बटालियना खातीर भरती प्रक्रिया सुरू करतले.
सीआयएसएफचे डीआयजी दीपक वर्मा हांणी सांगलें, गृह मंत्रालयाच्या मान्यतायेन हाचेर काम सुरू केलां. सध्या सीआयएसएफांत बायलांचो आंकडो सुमार ७% आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
