भांगरभूंय | प्रतिनिधी
अमेरिकेंतल्या पेनसिल्व्हानिया राज्यांत एक अजाप करपा सारकी गजाल घडली. सेसील नांवाच्या गोल्डन डूडल जातीच्या सुण्यान ४ हजार डॉलर्स म्हळ्यार भारतीय चलना प्रमाण, सुमार ३,३३,००० रुपया खाल्ले. हे पयशे त्या सुण्याच्या धनयान एका कंत्राटदाराक दिवपा खातीर दवरिल्ले.
क्लेटन आनी कॅरी लॉ ह्या जोडप्यान हो सुणो पाळ्ळा. सेसिलान नोटी चावून खाल्या उपरांत नोटींचो चडसो भाग ताचे विश्ठेंत आनी ओंकारेंत सांपडले. मात अजून ४५० डॉलर सांपडूंक ना, अशें क्लेटम आनी कॅरीन सांगलां. ह्यो नोटी खाल्या उपरांत सेसीलाची भलायकी इबाडल्या. ताची भलायकी सुदारतली अशें तिच्या दोतोरान सांगलां.
हो प्रकार डिसेंबर म्हयन्यांत घडलो. क्लेटन हांणी आपल्या पेनसिल्व्हानिया राज्यांतल्या पिटर्सबर्गच्या घराक दुरीग घालपाचें थारायलें. ताका लागून काॅण्ट्रेक्टराक दिवपा खातीर तांणी ४००० डॉलर्स एका पाकिटांत घालून रांदचे कुडींतल्या ओट्यार दवरिल्ले. सिसीलान खावपाची जिनस समजून ते कांय खिणा भितर खाले. मनशाक जाल्यार ते पचपाचे, मात बाबड्या सिसीलाक ते पचूंक नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
