भांगरभूंय | प्रतिनिधी
भांगरभूंय । प्रतिनिधी
म्हापशेंः ल्हान वागातोर हांका एका ऑम्लेटपाव गाड्यांत गॅ सिलिंडराचो स्फोट जावून लागिल्ल्या उज्यांत दोन गाड्यांचो जळून गोबोर जालो. हे घडणुकेक लागून सुमार अडेज लाख रुपयांचें लुकसाण जालां.
शुक्राराक फांतोडेर 5 वरांचेर ही घडणूक जाली. संतोष आंबेकार हांच्या ऑम्लेटपाव गाड्याक उजो लागून गॅस सिलिंडराचो स्फोट जालो आनी तो उसळून ज्ञानेश्वर चिमुलकार हांच्या गाड्यांचेर पडलो. दोनूय गाडे उज्यांत पुराय जळ्ळे. चिमुलकाराच्या गाड्यांतल्यो चडश्यो वस्तू जळून ताचें 50 हजारांचें जाल्यार आंबेकाराचे दोन लाख रुपयाचें लुकसाण जालें.
म्हापशेंच्या उजो पालोवपी कार्यालयाचे उप अधिकारी ज्ञानेश्वर सावंत हांच्या फुडारपणा खाला नितीन चोडणकार, हितेश परब आनी गिरीश गांवस ह्या जवानांनी उजो पालयलो. आंबेकाराचो गाडो पुराय जळ्ळो जाल्यार चिमुलकाराचो गाडो अर्दवट जळ्ळो. हणजूण पुलिसांनी घडणुकेचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
