भांगरभूंय | प्रतिनिधी
सियाचीन, खबरां संस्था: भारतीय लश्कराच्या जवानांनी लडाख, सियाचीन हांगा १५,५०० फुटां परस चड उंचायेचो पयलो मोबायल टॉवर बसयलो. उद्देगपती आनंद महिंद्रा वेवसायीक जावपा वांगडाच सोशल मिडिया ऍप एक्स (ट्विटर) चे सक्रीय वापरपी म्हणूनय फामाद आसा. कारण ते ट्विटा वरवीं विवीध गजालीं विशीं म्हायती दितना दिसतात. देखून आयज ताणीं ट्विट करून एक म्हत्वाची खबर दिली. सियाचिनांत पयलो मोबायल टॉवर उबारिल्ले खातीर तांणी खाशेलें कॅप्शन घालून तोखणाय केली.
आनंद महिंद्रा हांणी एक पोस्ट शेअर केल्या, हे फोटो सियाचीनचे. सियाचीन ग्लेशियर लडाख प्रांतात आसा. खूब आव्हानात्मक परिस्थितींत देशाचें सैन्य थंय आपले राखणे खातीर तैनात केल्यात. तर बरी खबर म्हळ्यार सैनिकांक आपल्या कुटुंबा कडेन संवाद सादपा खातीर पयलो मोबायल टॉवर सियाचीनांत बसयला.
ह्या शेअर केल्ल्या पोस्टांत बर्फाळ वाठारांत सैनिकां खातीर जायते तंबू उबारल्यात हें पळोवपाक मेळटा. तशेंच एक व्यक्ती मोबायल टॉवर बांदता. काम पुराय जाले उपरांत तांणी मोबायल टॉवराचो फोटो शेअर केला आनी एकंदरीत सियाचीनांत पयलो मोबायल टॉवर स्थापन जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
