भांगरभूंय | प्रतिनिधी
माशेल: मूळ आखाड्यार आनी सध्या गणेशनगर खांडोळ्या रावपी आनी नामनेचे भजनी कलाकार तशेंच वारकरी सिताकांत दशरथ भोसले (66) हांकां पंढरपुरी पायी वारी करतना पाटणें महाराष्ट्र हांगा 14 जुनाक सकाळीं काळजाच्या आताकान मरण आयलें.
तांचे कुडीचेर निमणे संस्कार काल दनपरां नार्वें तिर्थार मसंडभूंयत जाले. तांचे फाटल्यान तांची घरकान्न शैलजा, पूत साईश स्नुषा सान्वी, अक्षय आनी नातू श्रेय असो परिवार आसा.
ते एक उत्कृष्ट भजनी कलाकार आशिल्ले. तशेंच फाटल्या धा वर्सां सावन ते पांयवारी पंढरपुराक करताले. तांकां आयिल्ल्या अकस्मात मरणान ह्या वाठारंत दुख्ख पातळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
